IRhubo

28 Maye! Jehova, Dwala+ lami, ngisolo ngibiza wena;

Ungangivaleli iindlebe zakho.

Nawungathula ungangiphenduli,

Ngizokuba njengalabo abehlela emgodini.*+

 2 Izwa ukurabhela kwami nangililela isizo lakho

Njengombana ngiphakamisa izandla zami ngiqale ikumba efihlekileko yendawakho ecwengileko.+

 3 Ungangirhuduli nabakhohlakeleko, abenza okulimazako,+

Abakhuluma amezwi wokuthula nabomakhelwana babo khisibe kunobumbi eenhliziyweni zabo.+

 4 Bajezise ngokwezenzo zabo,+

Ngokwezenzo zabo ezimbi.

Bajezise ngokwemisebenzi yezandla zabo,

Ngokwalokho abakwenzileko.+

 5 Ngombana abayitjheji imisebenzi kaJehova,+

Namkha imisebenzi yezandla zakhe.+

 6 Akadunyiswe uJehova,

Ngombana ungizwile nangibawa isizo.

 7 UJehova umamandlami+ nesihlangu sami;+

Ihliziywami ithembela kuye.+

Ungisizile begodu ihliziywami iyathaba,

Nje-ke ngizomdumisa ngengomami.

 8 UJehova umamandla wabantu bakhe;

Uyindawo evikelekileko, uletha isindiso ekulu kozesiweko wakhe.+