IRhubo
Ingoma kaDavida,
bona ibe sikhumbuzo.
38 Maye! Jehova, ungangikhalimi usilingekile,
Namkha ungilungise ngelaka lakho.+
2 Ngombana imicibitjholwakho ingihlabe yangenelela,
Nesandla sakho siyangigandelela.+
3 Umzimbami woke uyagula ngebanga lelaka lakho.
Anginakuthula nakancani emathanjenami ngebanga lesono sami.+
4 Ngombana izono zami zipakelene zidlula ihlokwami;+
Njengomthwalo obudisi, zinengi khulu bona ngingazithwala.
5 Amancebami ayanuka begodu ayabhibhidlha
Ngebanga lobudlhadlha bami.
6 Ngigandelelekile begodu ngidane khulu;
Ilanga loke ngikhambakhamba ngidanile.
7 Ngiyatjha ngaphakathi;
Umzimbami woke uyagula.+
8 Ngidiniwe begodu ngiphelelwe mamandla;
Ihliziywami ibuhlungu, ingenza ngiqumele phezulu.
9 Maye! Jehova, zoke iimfiso zami ziphambi kwakho,
Nokububula kwami akukafihleki kuwe.
11 Abangani bami nabakhambisani bami bayangigegeda ngebanga lesibetho sami,
Nabantu engibajayele khulu bakhambela kude.
12 Labo abafuna ukungibulala bangibekele iinthiyo;
Labo abalinga ukungilimaza bakhuluma ngokungitjhabalalisa;+
Bakhuluma ikohliso ilanga loke.
13 Kodwana njengomuntu ongezwako eendlebeni, akhenge ngilalele;+
Njengomuntu ongakhulumiko, akhenge ngivule umlomami.+
14 Ngibe njengomuntu ongezwako,
Loyo umlomakhe onganalitho ongalitjho bona azivikele.
16 Ngombana ngathi: “Bangathabi ngami
Namkha baziphakamise ngaphezu kwami nakungenzeka inyawo lami litjhelele.”
17 Ngombana bengikulungele ukuwa,
Nobuhlungu bami bebuhlala bunami.+
19 Kodwana amanabami aphile kuhle begodu aziingorho,*
Labo abangihloye ngaphandle kwesizathu babe banengi.
20 Babuyisele okuhle kwami ngokumbi;
Bebalwisana nami ngombana ngilwela ukwenza okuhle.
21 Maye! Jehova, ungangilahli.
Maye! Zimu, ungahlaleli kude nami.+
22 Rhaba uzongisiza,
Maye! Jehova, sindiswami.+