Sengikulungele Na?
Sengikulungele Na Ukutjhumayela Nebandla?
Ungakulungela ukuba mrhuweleli ongakabhajadiswa nangabe . . .
Ufunda iBhayibheli qobe, uthandaze begodu uye esifundweni.
Uyakuthanda begodu uyakukholelwa okufundako, ufuna nokucocela abanye ngakho.
Uthanda uJehova begodu utjhidelene nalabo abamthandako.
Ulisile ukuba lilunga lezepolotiki namkha ukuzihlanganisa nekolo yamala.
Uphila ngeenkambiso zakaJehova begodu ufuna ukuba nguFakazi.
Nangabe uzizwa ngathi ukulungele ukutjhumayela nebandla, ungakhuluma nomuntu okufundelako ukwenzela bona ahlele ukuthi uhlangane nabadala babone ukuthi uyakufanelekela na.
Sengikulungele Na Ukubhajadiswa?
Ungakulungela ukubhajadiswa nangabe . . .
Umrhuweleli ongakabhajadiswa.
Uhlanganyela qobe emsebenzini wokutjhumayela ngendlela ongakghona ngayo.
Usekela begodu ulandela isinqophiso ‘senceku ethembekileko nehlakaniphileko.’—Matewu 24:45-47.
Uzinikele kuJehova ngomthandazo begodu ufuna ukumlotjha ngokungapheliko.
Nangabe uzizwa ngathi ukulungele ukubhajadiswa, ungakhuluma nomuntu okufundelako ukwenzela bona ahlele ukuthi uhlangane nabadala nicoce ngokuthi ungakufanelekela njani.