Sebenzisa Iinkhombo ZeBhayibheli Ngokuzuzisako

Iinkhombo ezifumaneka eBhayibhelini ImiTlolo Ecwengileko zitjengisa ukuvumelana kweBhayibheli ngokukutjengisa imitlolo enemininingwana engeziweko. Iinkhombwezi ziba liledere elincani hlanu kwebizo. EBhayibhelini eliphrinthiweko, qala phakathi ukwenzela ukuthi ubone iledere elifana nalo bese ufumana ivesi elikhambisana nalelo olifundako. Ku- jw.org namkha ku- JW Library^® app, gandelela iledere ubone imitlolo ekhambelana neveselo.

Iinkhombezi zingakuthumela ezintweni ezilandelako:

Isenzakalo esifanako: Isikhombo singakutjengisa isenzakalo esifana nalesi ofunda ngaso. Ngokwesibonelo funda yesi-2 kaSamyela 24:1; noyoku-1 yeenKronike 21:1.

Ukudzujulwa kwemitlolo: Isikhombo sitjengisa bona umutjho namkha ikulumo isuka kuphi. Ngokwesibonelo funda uMatewu 4:4 noDuteronomi 8:3.

Iimphorofido ezizalisekileko: Isikhombo sihlanganisa isiphorofido nokuzaliseka kwaso. Ngokwesibonelo, funda uMatewu 21:5 noZakariya 9:9.