Indaba 92
UJesu Uvusa Abahlongakeleko
UMNTAZANYANA ombona la, uneemnyaka eyi-12. UJesu ubambe isandla sakhe, unina noyise bajame hlanu kwakhe. Uyazi bonyana bathatjiswe yini? Akhe sizwe.
Uyise lomntazanyana lo bekayindoda eqakathekileko ibizo layo bekunguJayirosi. Langelinye umntazanyana lo wagula, walaliswa phezu kombhede. Kodwana bekangabi bhedere. Wagula khulu. UJariyosi nomkakhe batshwenyeka khulu ngombana bekubonakala ngasuthi umntazanyanabo bekazokuhlongakala. Bekungiyo yodwa indodakazabo. Ngalokho uJariyosi wakhamba wayokufuna uJesu. Wezwa ngemmangaliso uJesu egade azenza.
Kuthe lokha uJariyosi nakafumana uJesu, gade kunesiqubuthu esikhulu esibabhodileko. Kodwana uJayirosi wafahla hlangana nesiqubuthu waguqa eenyaweni zakaJesu. Wathi: ‘Umntazanyanami ugula khulu. Wancenga wathi, ngibawa uze uzomelapha.’ UJesu wathi ngizokuza.
Njengombana bakhamba, isiqubuthu besitjhovana sifuna ukutjhidela eduze. Msinyana uJesu wajama wabuza: ‘Ngubani ongithintileko? UJesu wezwa kuphuma amandla kuye, bekazi bonyana kunomuntu omthintileko. Kodwana bekungubani? Bekumfazi osele agule iimnyaka eyi-12. Watjhidela wakgwatha izembatho zakaJesu, waphola!
Lokhu kwenza uJariyosi azizwe bhedere ngombana wabona bonyana kubulula kangangani ngoJesu ukupholisa umuntu. Kodwana kwafika isithunywa. Satjela uJariyosi sathi: ‘Ungasamtshwenya uJesu, indodakazakho ihlongakele.’ UJesu webezwa nebakhulumako wathi: ‘Ungatshwenyeki, indodakazakho izokuba rerhe.’
Lokha nebafika endlini kaJariyosi, abantu bebalila kabuhlungu. Kodwana uJesu wathi: ‘Ningalili. Umntwana akakafi, ulele.’ Kodwana bahleka begodu bahlekisa ngoJesu ngombana bebazi bonyana umntwana uhlongakele.
Ngemva kwalokho uJesu wathatha uyise nonina lomntwana nabapostoli bakhe abathathu baya ngekamarweni umntwana alele ngakilo. Wambamba ngesandla wathi: ‘Vuka!’ Wavuka, njengombana umbona la. Wavuka wakhambakhamba! Ngikho unina noyise bathabe kangaka.
Lo, ak’simumuntu wokuthoma uJesu amvusako. Wokuthoma iBhayibhili elisitjela ngaye yindodana yomhlolokazi wemzini weNayini. Ngokukhamba kwesikhathi uJesu wavusa uLazarosi, umnakwabo lakaMariya noMarta ekufeni. Lokha uJesu nekabusa njengekosi kaZimu, uzokuvusela abantu abanengi ekuphileni. Akusithabisi na lokhu?
Luka 8:40-56; 7:11-17; Jwanisi 11:17-44.