Abantwabakho Bakulungele?
1. Kubayini kutlhogeka bona abantwana besikolo bahlale bakulungele?
1 Qobe mnyaka wesikolo, abantwabakho ngaphandle kokuzaza baqalana neentjhijilo ezitjha nokugandeleleka. Bazokuba namathuba amatjha ‘wokukhuluma iqiniso.’ (Jwa. 18:37) Bakulungele?
2. Bona bakulungele, khuyini abantwabakho okufuze bayazi?
2 Abantwabakho bazwisisa ngokukhanyako bona khuyini okutjhiwo ukuzibandakanya emigidini yobutjhaba namaholideyi woburhedeni nokobana kubayini ukuhlanganyela kiwo kungakalungi? Bakulungele na ukuqalana negandeleleko lokuphitjhekela ifundo ephakemeko, ukuthandana, nokusetjenziswa kumbi kotjwala nofana iindakamizwa? Bazokumane bathi izinto ezithileko azivumelani nekolwabo, namtjhana bayakwazi ukuhlathulula iinkolelo zabo?—1 Pit. 3:15.
3. Ababelethi bangakusebenzisa njani ukuKhulekela Komndeni ukulungiselela abantwababo?
3 Sebenzisa UkuKhulekela Komndeni: Kuliqiniso, nizokuba neengcoco umnyaka woke wesikolo njengombana abantwabakho baqalana nemiraro emitjha. Ukwenza umzamo okhethekileko wokucoca ngeemraro abangaqalana nayo esikolweni ngaphambi kobana kuthome iimfundo lokho kuzokunikela abantwabakho isibindi. Kubayini ungasebenzisi ukuKhulekela Komndeni okukodwa namtjhana okungaphezulu kilokhu? Ungabuza abantwabakho bona khuyini ebabangela batshwenyeke khulu esikolweni. Iindaba enakhe nacoca ngazo eemnyakeni edlulileko zingabuyekezwa ngombana sebakhulile begodu bakhulile nelwazini. (Rha. 119:95) Endabeni le ungahlanganisa ukuphrakthisa iingcenye lapho wena uzenza utitjhere, umeluleki wezefundo, nofana umfundi. Fundisa abantwabakho indlela yokuphendula ngeBhayibhili nokusebenzisa amathulusi anjengencwadi ethi Ukubonisana nethi Intsha Iyabuza. Omunye umbelethi usebenzisa iingcenye zokuphrakthisa bona alungiselele abantwabakhe baye kibotitjhere babo abatjha qobe nekuthoma umnyaka wesikolo begodu babazise bona baboFakazi BakaJehova.—Qala INqabayokulinda, kaDisemba 15, 2010, amakhasi 3-5.
4. Khuyini ababelethi abahlakaniphileko abazoyenza?
4 Iintjhijilo amaKrestu amatjha okufuze aqalane nazo emihleni yokuphela le ziyakhula ‘okuziinkhathi ezibudisi kwamambala.’ (2 Thi. 3:1) Ababelethi abahlakaniphileko bazokulinga ukubasiza kusesengaphambili. (Iziy. 22:3) Ngaphambi kobana iintjhijilwezo ziphakame, yenza koke ongakwenza ukusiza abantwabakho bazilungiselele.