Jehovah’s Witnesses—Organized to Share the Good News
Eminyakeni engaphezu kweli-100, aboFakazi bakaJehova bebahlophiselwe ukurhatjha iindaba ezimnandi. Kilokho esele kube yijima elikhulu lokutjhumayela iphasi elakhe lezwa ngalo, umlayezo lo siwukhuluma ngeenlimi ezimakhulukhulu eenarheni ezingaphezu kweziyi-230. (Mat. 24:14) Kubayini umsebenzi lo uqakatheke kangaka? Ufezwe ngezinga elingangani ephasini mazombe? I-video ethi, Jehovah’s Witnesses—Organized to Share the Good News iphendula iimbuzo leyo ngokuwuveza ngobuduze umsebenzi wethu wephasi loke owenziwa neendaweni ezinengi ezihlukahlukeneko. Ngemva kokuyibukela, phendula iimbuzo elandelako.
I-video le ilikhulise njani ithando lakho (1) malungana nomzamo wokuzikhandla owenziwa yihlangano kaJehova ekurhatjheni iindaba ezimnandi? (2 Thi. 4:2) (2) ngemindeni yeBethel esephasini mazombe? (3) ngefundo bandulo efunyanwa ziinthunywa zevangeli nababonisi? (2 Thi. 2:2) (4) ngokuqakatheka kokuthoma elinye nelinye ilanga ngokufunda indinyana yeBhayibhili nokulungiselela imihlangano yebandla iveke neveke? (IZe. 17:11) (5) ngeenzuzo zokuba khona emihlanganweni yobuKrestu? (Heb. 10:24, 25) (6) ngeembusiso ozozifumana nesele kubuyiselwe iParadeyisi ephasini? (Isa. 11:9) (7) ngelungelo onalo lokuhlanganyela emsebenzini wokuvuna oragela phambili?—Jwa. 4:35.
I-video le ibonakele ilithulusi elihle ekufundiseni abantu abanekareko emsebenzini wephasi loke owenziwa boFakazi bakaJehova. (8) Ngisiphi isikhathi esihle sokuyitjengisa abantu esifunda nabo iBhayibhili, iinhlobo nabanye? (9) Ngikuphi ukusabela okuhle okubonileko newubabukelisa yona?
Njengombana sicabanga ngalokho uJehova akufezako, sitjhukumiseleka bona siwavume amezwi womrhubi athi: “Zinengi izinto wena ngokwakho ozenzile, Maye Jehova Zimami, ngitjho nemisebenzi yakho erarako kunye nemicabango yakho malungana nathi; akunalitho elingamadaniswa nawe.” (Rha. 40:5) Kwanga singayisebenzisa kuhle i-video le ekusizeni abanye bona bathande uJehova nehlangano yakhe!