Jehovah’s Witnesses—Faith in Action, Part 2: Let the Light Shine
Ngemva kobana uMnakwethu uRutherford nabangani bakhe batjhatjhululiwe ejele ngo-1919, bekunomsebenzi omkhulu abaFundi beBhayibhili egade bazowenza. Njengombana kutjengisiwe evidiyweni ethi, Jehovah’s Witnesses—Faith in Action, Part 2: Let the Light Shine, abaFundi beBhayibhili bebazokuba nabaphikisi abanengi, ukuzwisisa kwabo iMitlolo bekuzokuragela phambili kukhula, begodu ikholo labo belizokuthuthuka. (Iziy. 4:18; Mal. 3:1-3; Jwa. 15:20) Ngemva kokubukela ividiyo le, ungakghona ukuphendula iimbuzo le?
(1) Ngiziphi iindlela abaFundi beBhayibhili abazisebenzisako bona barhatjhe iindaba ezimnandi? (2) Kwenzekani emihlanganweni ekhethekileko ngo-1931 nango-1935? (3) Khuyini eyaphawulekako nge-Sithalasokulinda sakaNovemba 1, 1939? (4) Hlathulula okwenzekako eMadison Square Garden hlangana nekulumo kaMnakwethu uRutherford ethi, “Urhulumende Nokuthula.” (5) Khuyini eyatjhejekako ngekulumo kaMnakwethu uKnorr ethi, “Ukuthula—Kungahlala Unomphela?” (6) Ngo-1942, ngimaphi amahlelo aboFakazi BakaJehova abawenzako bona bandise umsebenzi wokutjhumayela? (7) Hlathulula ezinye izipi ezingokomthetho ezalwiwako e-United States, eCanada, neGrisi. (8) IGiliyadi yakuthinta njani ukukhula komsebenzi wokutjhumayela? (9) Ngimuphi umsebenzi owathoma ngo-1946, begodu kubayini? (10) Ngimaphi amagadango aboFakazi BakaJehova abawathathako ukuqinisekisa bona ukuziphatha kwabo kuvumelana neenkambisolawulo zeBhayibhili? (11) Hlathulula amanye amatjhuguluko enziwako ngo-1970 ukuqinisekisa bona ihlangano ikhambisana ngokuseduze neenkambiso zeBhayibhili. (12) Ividiyo le ikusize njani bona uzwisise ngokuzeleko bonyana uJehova unqophisa izinto nokobana le yihlanganwakhe? (13) Ividiyo le ikuqinise njani ukuzimisela kwakho bona uragele phambili ngetjiseko ekutjhumayeleni naphezu kobudisi? (14) Singayisebenzisa njani ividiyo le, ukusiza iinhlobo zethu, abafundi beBhayibhili nabanye?
Ilanga ngalinye elidlulako lingezelela isahluko esitjha emlandweni waboFakazi BakaJehova. Umlando uzokuthini ngeemzamo yethu ekonzweni? Njengombana abanakwethu bakwenza esikhathini esidlulileko, kwanga singaragela phambili ngetjiseko bona ‘senze ukukhanya kukhanye’!—2 Kor. 4:6.