Iintjumayelo Ezizimbonelo

Ukuthoma Iimfundo ZeBhayibhili NgoMgqibelo Wokuthoma Ka-Arhostosi

“Abantu abanengi batshwenyekile ngokwanda kweemraro isintu esiqalene nayo namhlanje. Bewazi bona lokhu kwaporofidwa eBhayibhilini? [Lindela ipendulo.] Tjheja okutjhiwo ngilokhu.” Nikela umninimuzi ISithalasokulinda sakaJulayi-Septemba, bese nicoca ndawonye ngendaba engaphasi kwesihlokwana esisekhasini 17 begodu okunganani nifunde nomtlolo munye. Mkhambisele abomagazini, begodu uhlele nokubuya nizokucoca ngombuzo olandelako.

ISithalasokulinda Julayi-Septemba

“Wakhe wazibuza bona kubayini aboFakazi BakaJehova batjhumayela umuzi nomuzi? [Lindela ipendulo.] UJesu wabikezela bona umsebenzi lo uzokwenziwa esikhathini sethu. [Funda UMatewu 28:19, 20.] Isihloko esisekhasini 26 sicoca ngendlela aboFakazi BakaJehova abalinga ngayo ukulalela umlayo kaJesu.”

Phaphama! Arhostosi

“Namhlanjesi abantu bayasaba ukukhamba bodwa, khulukhulu nasele kusebusuku. Ucabanga bona ikhona into engenziwa ukwehlisa inturhu ephasineli? [Lindela ipendulo.] Umagazini lo ukhuluma ngezinto ezithileko esingazenza soke bona sibe nokuthula nabanye. Godu uhlathulula indlela isiporofido esikhuthazakwesi esizokuzaliseka ngayo.” Funda IRhalani 72:7.