Iintjumayelo Ezizimbonelo
Ukuthoma Iimfundo ZeBhayibheli NgoMgqibelo WokuthomaKaFebherbari
“Ngingathanda ukuzwa umbonwakho. Abantu abanengi bakholelwa bona boke abantu abalungileko baya ezulwini. Ucabangani?” Lindela ipendulo. Mtjengise isigubuzeso esingemva kwe-siThala sakaJanabari-Febherbari, bese nicoca ndawonye ngendaba engaphasi kombuzo wesibili begodu nifunde okunganani munye wemitlolo eveziweko. Mkhambisele abomagazini, bese uhlele nokubuya.
IsiThala Janabari-Febherbari
“Sinivakatjhele isikhatjhana bona sicoce ngomraro ovamileko. Ngezinye iinkhathi ababelethi nabantwana nebakhulumako, bagcina ngokuphikisana. Ucabanga bona kubangelwa yini lokho? [Lindela ipendulo.] IBhayibheli ithi abantwana nabantu abadala bacabanga ngendlela ehlukileko. [Funda 1 Korinte 13:11] Isihloko esisekhasini 8 somagazini lo sinikela ezinye iinluleko ezisebenzako bona zisize ababelethi ngendlela abangakhuluma ngayo nabantwababo ngaphandle kokuphikisana.”
Phaphama! Febherbari
“Sinivakatjhele isikhatjhana bona sicoce ngomraro ovamileko. Kubonakala ngasuthi akunasikhathi esaneleko sokwenza yoke into. Ucabanga bona ihlelo lethu limajadu ngebanga lokobana sinokunengi okufuze sikwenze nofana simorosa isikhathi sethu esinengi? [Lindela ipendulo.] Abanengi abatjheji bona iBhayibheli isinikela isiluleko esisebenzako ukusisiza bona sisisebenzise kuhle isikhathi. Nasi isibonelo esisodwa salokho. [Funda uFilipi 1:10a.] Umagazini lo uveza iindlela ezine ezisize abantu abanengi bona basebenzise isikhathi sabo ngokuhlakanipha.”