Iintjumayelo Ezizimbonelo

Ukuthoma Iimfundo ZeBhayibheli NgoMgqibelo Wokuthoma KaMeyi

“Abantu abanengi basanduku’khumbula ukufa kwakaJesu. Wakhe wazibuza bona kusizuzisa njani ukufa kwakhe?” [Lindela ipendulo.] Mtjengise isihloko esithi “Imibuzo YeBhayibheli Iyaphendulwa” kusiThala sakaMeyi-Juni, benicoce ndawonye ngendaba engaphasi kombuzo wokuthoma bese nifunde okunganani munye wemitlolo ekhonjiweko. Mkhambisele abomagazini, begodu uhlele nokubuya nizokucoca ngombuzo olandelako.

IsiThala Meyi-Juni

“Abantu abanengi bayazibuza bona kubayini uZimu angathathi igadango lokuphelisa ukungalungi nomtlhago ephasini. Ucabanga bona kungebanga lokobana uZimu akanandaba nathi namkha kungombana ukubona kukuhle bona abantu batlhage? [Lindela ipendulo bese ufunda uJwanisi 3:16.] Nanyana abanengi badzubhula iveseli ukutjengisa bona uZimu uyasikhathalela, kodwana abaqiniseki bona ukufa kwendodana kaZimu kubazuzisa njani. Umagazini lo uhlathulula indlela ukufa kwakaJesu okwenza kukghoneke ukuphela kokungalungi nomtlhago epha­sini.”

Phaphama! Meyi

“Sinivakatjhela isikhatjhana bona sisize abantu bakghone ukuqalana nokugandeleleka kwabo. Kghani ubona ngasuthi abantu bagandeleleke khulu namhlanje kunangesikhathi esidlulileko? [Lindela ipendulo.] Abanengi bafumane bona isiluleko esilisizo esitholakala eBhayibhelini sibasiza bakghone ukuqalana nokugandeleleka kwabo. Nasi isibonelo. [Funda uMatewu 6:34.] Umagazini lo uhlathulula indlela iinkambisolawulo zeBhayibheli ezingasisiza ngayo bona sikghone ukuqalana nabo nobangela abane bokugandeleleka okuvamileko.”

Tjheja: Umagazini lo ungakara ngokukhethekileko abantu bamabhizinisi.