Bobani Ongathanda Ukubamema?

Qobe mnyaka sisebenza budisi bona simemele abantu abasesiminethu bona beze esiKhumbuzweni. Abanengi esibamemako asibazi. Kufuze sibameme nalabo esibaziko. Esikhathini esinengi abantu bajayele ukuza nangabe bamenywe mumuntu abamaziko. (yb08-ZU 11 ¶3; 14 ¶1) Bobani ongabamema?

• Iinhlobo

• Osebenza nabo nofana ofunda nabo esikolweni

• Abomakhelwana

• Amabuyelo, abantu ebewufunda nabo iBhayibheli nalabo ofunda nabo nje

Ngaphezu kwalokho, abadala bazokumema labo abangasezi esifundweni. Kuthiwani nangabe umeme umuntu omaziko kodwana akahlali endaweni yangekhenu? Ungafumana isikhathi nendawo yesiKhumbuzo yalapho ahlala khona ngokuya ekhasini lesendlalelo ku-jw.org uye kwesithi, UKWAZI NGATHI bese ukhetha esithi, “IsiKhumbuzo.” Njengombana ulungiselela isiKhumbuzo somnyaka lo, cabanga ngalabo ongabamema, bese uyabamema.