Izinto Ezimbi Ezenzekako Nakunepi
Ukuba hlangana nepi yinto embi khulu umuntu angaqalana nayo. Ipi iba nomphumela omumbi emasotjeni nebantwini ephasini loke.
AMASOTJA
“Uhlala ubona abantu babulawa namkha balimala kabuhlungu. Uzizwa ungakavikeleki nakancani.”—U-Gary, we-Britain.
“Bangidumuza emhlana nebusweni begodu ngabona abantu abanengi babulawa, abantwana nabantu abadala. Ipi ikwenza ungasaba nendaba nokutlhaga nokufa.”—U-Wilmar, we-Colombia.
“Lokha umuntu nakadunyuzwa phambi kwakho, uhlala ucabanga indlela umuntu loyo ebekarhuwelela bekezwe ubuhlungu ngayo, awukukhohlwa lokho.”—U-Zafirah, we-United States.
ABANTU
“Bengicabanga bona angekhe ngisathaba godu. Bengisaba ukuthi ngizokuhlongakala kodwana okungaphezu kwalokho benginevalo lokuthi abangani bami nomndenami bangahlongakala.”—U-Oleksandra, we-Ukraine.
“Kuyathusa ukujama emjejeni wokudla kusukela ngo–2:00 ngamasa ukufikela ngo–11:00 ebusuku besisaba nokuthi singadunyuzwa nanyana kunini.”—U-Daler, we-Tajikistan.
“Ababelethi bami bahlongakala epini. Ngasala ngiyintandani kunganamuntu ongiduduzako namkha ongitlhogomelako.”—U-Marie, we-Rwanda.
Nanyana abantu okukhulunywa ngabo laba baqalane neemphumela yepi, bafumene ukuthula. Ngaphezu kwalokho bayaqiniseka bona ipi nenturhu kuzokuphela msinyana. IsiThalesi sizokusebenzisa iBhayibheli ukuhlathulula bona kuzokwenzeka njani lokho