ʻPitilijani kuganizila vinthu vamene ivi’

Ni vinthu votyani? Pa Afilipi 4:8 ponena kuti tikoganizila vinthu vonse vamene ni vachendi, vofunika ngako, volungama, vituŵa, vachikondi, vutembejewa, nkhalidwe iweme, na kutamanda. Nichendi kuti akhilisitu onkhala lini oganizila mfundo za m’Baibulo thawe zonse. Koma tikowoneshesha kuti vatuganizila vutemwesha Yehova. Osati tilole kuti chikhulupililo chasu chifooke olo kusiya kunkhala okhulupilika kuli yove.—Sl 19:14.

Mwina tuvutika kuti tawokwanisha kupewa maganizo aipa. Koma tufunikila kuyeja-yeja kulimbana na muŵili wasu wochimwa komasoti na Satana, wamene ni ʻmulungu wa nthawe ino.’ (2Ak 4:4) Pakuti yove okatishila ntchito njila zosiyana-siyana monga: Nkhani za pa TV, pa wailesi, vinthu vapa intanenti, chiwelewele na manyunzi pepala. Tufunika tonkhala tchelu na vinthu vatuika m’maganizo mwasu chifukwa vamene iv vukhuza kaganizidwe kasu komasoti vatuchita.—Yak 1:14, 15.

LOLELANI VIDIYO YAKUTI: ZINTHU ZIMENE ZINGAFOOKETSE CHIKHULUPIRIRO—POSANKHA ZOSANGALATSA, PAVULI PAKE YANKHANI MAKONSHO AŴA:

• 

  Kansi m’bale wamene uyu enzelolela chinji pafoni yake? n’nga vamene ivi vemukhuza tyani?

• 

  Kansi malemba aŵa emuyavya tyani Agalatiya 6:7, 8 na Salimo 119:37?