Utumiki komasoti moyo wasu wa chikhilisitu—2025 | July

DJULAYI 28–OGASITE 3

MIYAMBO 24

Nyimbo N.° 38 na Pemphelo | Mawu oyamba (1 min.)

CHUMA CHUPEZEKA M’MAWU A MULUNGU

1. Nkhalani otang’a kuti mukwanishe kupilila mavuto

(10 min.)

Pitilijani kuphunzila vinyinji komasoti kunkhala anzelu (Miy 24:5; Insight-2 pedji 610 ndim. 8)

Pitilijani kuchita vinthu vauzimu olo kuti nimwe ofoka (Miy 24:10; Nsanja ya Mulonda 15/12/2009 pedji 18 ndim. 12-13)

Kunkhala na chikhulupililo chotang’a komasoti kukonda ngako Yehova kutiyavya kuti tikwanishe kupilila tikakumana na mavuto (Miy 24:16; Nsanja ya Mulonda 12/2020 pedji 15)

Kalongosi wamene olwala matenda akulu, okata ntchito yolalikila ng’anda na ng’anda mosangalala pamozi na kalongosi muyakine. Olalikila kuli mayi muyakine wamene ali ku ng’anda kwake ndipo omuwonesha mfundo iyakine yofunika ngako kupitila pa tabuleti yake.

2. Kusakila-sakila Mfundo zingatiyavye

(10 min.)

Miy 24:27—Kansi tuphunzila chinji kufumila pa mwambi wamene uyu? (Nsanja ya Mulonda 15/10/2009 pedji 12)

Yankho yanu
Kansi ni mfundo zotyani zamwafwana mu chuma chauzimu pakuŵelenga Baibolo kwa ino sondo zamungafotokoze?

Yankho yanu

3. Kuŵelenga Baibolo

(4 min.) Miy 24:1-20 (th phunzilo 11)

KUPHUNZISA NA LUSO MU UTUMIKI

4. Kuyambisha makambilano

(2 min.) ULALIKI WAMWAMWAYI. Makambilano osila mukaliye yamba kulalikila. (Kondani ŵanthu mutu 2 mfundo 4)

5. Kuyambisha makambilano

(3 min.) ULALIKI WA NG’ANDA NA NG’ANDA. (Kondani ŵanthu mutu 3 mfundo 4)

6. Kuyambisha makambilano

(3 min.) ULALIKI WAPATUŴA. Muujeni munthu wamene uyo za pulogilamu yasu ya phunzilo ya Baibolo, ndipo mupaseni kakhadi kosenga phunzilo ya Baibolo. (Kondani ŵanthu mutu 4 mfundo 3)

7. Nkhani

(3 min.) Kondani ŵanthu zakumapeto A mfundo 11—Mutu: Mulungu olaŵila nase. (th phunzilo 6)

MOYO WASU WACHIKHILISITU

Nyimbo N.° 99

8. Mukoyavyana muyake na muyake panthawe yamwakumana na mavuto

(15 min.) Nkhani yokambilana.

Mulili wa matenda, ngozi zamu chilengedwe, vipolowe, nkhondo komasoti kunzunziwa, vingatichitikile mwazizizi. Vinthu monga nivamene ivi vikachitika, akwasu na akalongosi osonkhana pamozi kuti ayavyane komasoti kutang’ishana. Olo kuti sewo tiliyekhuziwe na mavuto amene aŵa, tikumvwa chisoni monga nichakunkhala nacho Akhilisitu ayasu amene akumana na mavuto ndipo tuchita vonse vatingakwanishe kuti tiŵayavye.—1Ak 12:25, 26.

Chithunzi: Akwasu na akalongosi oyavya Akhilisitu ayawo kupitila mu njila zosiyana-siyana. 1. Akwasu na akalongosi omangasoti Ng’anda ya Ufumu yamene yewonongeka na ngozi zamu chilengedwe. 2. Akwasu na akalongosi, olondela mosangalala kalongosi muyakine pamozi na mwana wake amene athaŵa kwawo. 3. Kalongosi muyakine oika ndalama mu bokosi ya vopeleka ku Ng’anda ya Ufumu. 4. Akwasu na akalongosi opeleka vinthu vofunika kuli Akhilisitu othaŵa kwawo ku Ng’anda ya Ufumu 5. Akwasu amene okata ntchito yolipeleka, opeleka mabotolo amanzi kuli Akhilisitu amene akhuziwa na ngozi zamu chilengedwe. 6. Nkwasu opemphela.

Ŵelengani 1 Mafumu 13:6 komasoti Yakobo 5:16b. Pavuli pake konshani omvwishila kuti:

Ndaŵa yanji mapemphelo ŵakupeleka atumiki a Mulungu popemphelela Akhilisitu ayawo onkhala amphamvu?

Yankho yanu

Ŵelengani Maliko 12:42-44 komasoti 2 Akolinto 8:1-4. Pavuli pake konshani omvwishila kuti:

Olo kuti tiliye vinthu vinyinji ndipo tupeleka ndalama itontho poyavya pantchito yapachalo chonse kuti tiyavye akwasu amene okumana na mavuto, ndaŵa yanji tufunikalini kuwaya-waya kuchita vopeleka?

Yankho yanu

Lolelani VIDIYO yakuti Kutang’isha akwasu ntchito yasu ikaleshewa. Pavuli pake konshani omvwishila kuti:

Kansi akwasu elolela kuchita chinji kuti ayavye Akhilisitu ayawo amene enzenkhala mu dela yamene ntchito yasu niyoleshewa ku mmawa kwa Europe?

Yankho yanu
Ntchito yasu peileshewa, kansi akwasu ekonkheja tyani lamulo yakuti mukosonkhana pamozi komasoti kutang’ishana?—Ahe 10:24, 25

Yankho yanu