Pitilijani kunkhala ontang’a chifukwa mapeto ali pafupi

CHIFUKWA CHAKE KULI KOFUNIKA: Lombapano vochitika vikulu-kulu viyese kutang’a ntima na chikhulupililo chasu mwa Yehova vamene venze vikaliye chitikapo na kale yonse. Chisauso chikulu chizayambe na kuwonongewa kwa chipembezo chawenye. (Mt 24:21; Chv 17:16, 17) Yamene iyi izankhale nthawe yovuta, ndipo payakine tizafunike kulengeza uthenga wamphamvu wa chiweluzo. (Chv 16:21) Tizaukiliwe na Gogi wa ku chalo cha ku Magogi. (Eze 38:10-12, 14-16) Ndipo pofuna kuteteza ŵanthu ŵake, Yehova azayambishe “nkhondo ikulu ya nsiku ya Mulungu Wamphamvuzonse.” (Chv 16:14, 16) Kuti tizankhale otang’a ntima nopilila mavuto ŵati tizakumane nawo kusogolo, tufunika kunkhala okhulupilika lomba teti polimbana na viyeso.

VAMUNGACHITE:

• Mukokonkheja minkhalidwe ikulu ya Yehova motang’a ntima.​—Yes 5:20

• Pitilijani kulambila Yehova pamozi na Akhilisitu ayanu.​—Ahe 10:24, 25

• Mukomvwila malamulo ŵakupeleka Yehova kupitila mu gulu yake mofulumila osati mokaikila.​—Ahe 13:17

• Nsiku zonse mukoganizila mwechipulumusila ŵanthu ŵake Yehova nthawe ya kuvuli.​—2Pe 2:9

• Mukopemphela kwa Yehova komasoti mukomukhulupilila.​—Sl 112:7, 8

LOLELANI VIDIYO YAKUTI KUTSOGOLOKU TIDZAFUNIKA KULIMBA MTIMA​—MBALI INA YA VIDIYOYI, NDIPO PAVULI PAKE YANKHANI MAKONSHO AŴA:

• Kansi kumvwila kwechichita ofalisa amu mpingo kwiyesa tyani chikhulupillo chawo pechiyamba kusonkhana na mipingo iyakine?

• Kansi kutang’a ntima kukatijana tyani na kunkhala omvwila?

• Ndaŵa yanji tizafunike kutang’a ntima nkhondo ya Aramagedo ikezeyamba?

• Kansi ni nkhani yotyani ya m’Baibolo ingatiyavye kudalila ngako Yehova kuti angatipulumuse?​—2Mb 20:1-24