“Mukokatishila ntchito kabulosha kakuti Sangalalani na moyo kosasila! mu utumiki wanu”

Nise okondwela ngakosoti kunkhala na kabulosha komasoti buku inyowani yochitishila maphunzilo a Baibolo! Tupemphela kuti Yehova adalise kuyeja-yeja kwasu pa ntchito yopanga ophunzila anyinji. (Mt 28:18-20; 1Ak 3:6-9) Kansi tingakatishile ntchito tyani vida vanyowani vamene ivi?

Pakuti buku yakuti Sangalalani na moyo kosasila!, kosi ya maphunzilo a m’Baibolo ili na njila inyowani yophunzisila, konkhejani malangizo aŵa okhuza mwamungakonzekelele komasoti kuchitisha maphunzilo a Baibolo.a

• Ŵelengani nkhani yamene iyo, ndipo pavuli pake mukambilane makonsho

• Ŵelengani malemba alilembe kuti “ŵelengani”, ndipo yavyani wophunzila wanu kuti amvwishe lemba yamene iyo noikatishila ntchito

• Lolelani na kukambilana mavidiyo, pokatishila ntchito makonsho aliwonse amene opelekewa

• Yeja-yejani kusilija mutu uliwonse mu gawo imozi

Mu utumiki, gaŵilani kabulosha poyamba kuti mukwanishe kuziŵa chidwi cha munthu. (Onani bokosi yakuti “Vamungachite kuti mugaŵile kabulosha kakuti Sangalalani na moyo kosasila! pa ulwendo woyamba.”) Mukasilija kuphunzila kabulosha na munthu wamuphunzisa, ndipo keno yove ofuna kupitilija kuphunzila mungamupase buku noyamba kuphunzila naye pa mutu 4. Keno mwewo muphunzila na munthu buku yakuti Vayuphunzisa Baibolo olo yakuti Mulungu Azikukondani, mungalekeje kuphunzila mabuku amene aŵa ndipo yambani kuphunzila naye buku yakuti Sangalalani na moyo kosasila! ndipo musankhe pamungayambile.

LOLELANI VIDIYO YAKUTI TAKULANDIRANI KU PHUNZIRO YATHU YA BAIBULO, NDIPO PAVULI PAKE YANKHANI MAKONSHO AŴA:

• Kansi ophunzila azaphunzile chinji mu buku inyowani?

• Ndaŵa yanji mufunika kuwonesha vidiyo yamene iyi kuli ophunzila alombapano?

• Kansi ni volinga votyani vamungafunikile kulimbikisa wophunzila kuti patontho na patontho avikwanilishe?—Onani tchati yakuti “Cholinga cha chigawo chilichonse komasoti vakulimbikisiwa wophunzila”