Nkhalani na volinga mu nyengo ya Chikumbukilo

Chaka chilichonse, ŵanthu a Yehova oyembekezela mwachidwi kuchita Chikumbukilo pamozi. Chikumbukilo chikaliyechitika komasoti pavuli pake, tupezelapo mwayi komasoti mipata yapadela yotamanda notembeja Yehova chifukwa cha mphaso ya dipo. (Aef 1:3, 7) Mwachisanzo, tuyeja-yeja kuika ntima wasu wonse pa ntchito yoitila ŵanthu ayakine ku Chikumbukilo. Ayakine okwanisha kuchinja vinthu pa moyo wawo kuti achite upainiya wothandiza wa maola 30 olo 50 m’miyezi ya March olo April. Kansi mwewo mungakonde kuchita vinyinji mu nyengo ino ya Chikumbukilo? Kansi n’chinji chingakuyavyeni kuti vinthu vikokuyendelani bwino?

Nthawe zinyinji, tingakwanishe kuchita vinyinji keno takonzekelatu kukali nthawe. (Miy 21:5) Powona kuti nyengo ya Chikumbukilo yavwendela ngako, ino niye nthawe yoyamba kukonzekela. Kambilanani mwamungayangijilile utumiki wanu pa nyengo ya Chikumbukilo, nakuganizila vamufunikila kuchita kuti mukwanilishe volinga vanu. Pavuli pake sengani Yehova kuti adalise khama yanu.—1Yo 5:14, 15.

Kansi pali njila ziyakine zamuganizilako zamungachite kuti muyangijileko utumiki wanu mu nyengo ya Chikumbukilo?