Kansi mwewo mukatishila ntchito luweme ma audiyo otepewa a Baibolo?

Kansi ma audiyo otepewa a Baibolo ni chinji? Ma audiyo otepewa a Baibolo ni nkhani zomvwishila za m’Baibulo la Dziko Latsopano. Ma audiyo amene aŵa opangiwa monkhazikika m’vilaŵilo vosiyana-siyana. Chimozi mwavinthu vosangalasa ngako na ma audiyo amene aŵa n’chakuti okatishila ntchito mawu osiyana-siyana pa munthu aliyense wa m’Baibolo. Mawu amene aŵa oŵelengewa nosindikiwa moyenela komasoti mokata ntima mokatijana na uthenga wa m’Baibolo uli mu nkhani yamene iyo.

Kansi ŵanthu ayakine apindula tyani na ma audiyo otepewa? Ŵanthu anyinji amene omvwishila ma audiyo otepewa a Baibolo monkhazikika osangala ngako kumvwa Mawu a Mulungu munjila yokata ntima. Ove onkhala kuti akumvwa mawu a oŵelenga anyinji pa iliyonse mwa nkhani zam’Baibolo zakuŵelenga. Ove angakwanishe kuyelekezela venzechitika pa nthawe yamene iyo komasoti kumvwisha luweme ngako nkhani yakuŵelenga. (Miy 4:5) Anyinji awona kuti kumvwishila ma audiyo otepewa amene aŵa modekha kuŵayavya ngako panthawe yali na nkhaŵa.—Sl 94:19.

Kumvwishila Mawu a Mulungu pakuŵelengewa mokuwa kungatiyavye ngako pa moyo wasu. (2Mb 34:19-21) Keno ma audiyo otepewa a Baibolo opezeka mu chilaŵilo chamumvwisha luweme, kansi mungachite tyani kuti mukoŵamvwishila monkhazikika monga mbali ya kulambila kwanu?

LOLELANI VIDIYO YAKUTI GRAVAÇÃO DA BÍBLIA EM ÁUDIO—EXCERTO, NDIPO YANKHANI KONSHO IYI:

Kansi n’chinji chukusangalasani pa ntchito yopanga ma audiyo a Baibolo otetekela?