-
Ubatizo—ni cholinga chiweme chamufunika kunkhala nacho!Sangalalani na moyo kosasila!—Kosi ya maphunzilo a m’Baibolo
-
-
3. Kuti munthu abatizike n’chinji chakufunikila kuchita?
Mukaliye batizika mufunika kuphunzila za Yehova komasoti kunkhala na chikhulupililo chotang’a muli yove. (Ŵelengani Aheberi 11:6.) Mukankhala na chikhulupililo komasoti chiziwiso chikulu mwewo munkhalesoti na chikondi chikulu ngako kwa Yehova. Tetyo, kulaŵila chendi mwewo mufunishishe kulalikila za yove nonkhala mokatijana na vakunena yove kuti ichi n’chiweme ichi n’chiipa. (2 Timoteyo 4:2; 1 Yohane 5:3) Keno munthu owonesha kuti ofuna ankhale na “moyo wokondwelesha Yehova,” yove angasankhe kupeleka moyo wake mpaka pofwika pobatizika.—Akolose 1:9, 10.a
-
-
Ubatizo—ni cholinga chiweme chamufunika kunkhala nacho!Sangalalani na moyo kosasila!—Kosi ya maphunzilo a m’Baibolo
-
-
a Keno munthu muyakine enze ebatizikako kale mu chipembezo chiyakine, yove angafunikilesoti kubatiziwa. Ndaŵa yanji? Ndaŵa yakuti chipembezo chamene icho chenzephunzisalini chendi chofumila m’Baibolo.—Onani Machitidwe 19:1-5 na Mutu 13.
-
-
Kansi mwewo mwakonzekela kuti mubatiziwe?Sangalalani na moyo kosasila!—Kosi ya maphunzilo a m’Baibolo
-
-
1. Kansi mufunikila kuziŵa vinthu vinyinji tyani kuti mukabatiziwe?
Kuti mubatiziwe, mufunikila kuziŵa “choonadi molondola.” (1 Timoteyo 2:4) Vamene ivi vutanthauzalini kuti, kuti mukabatiziwe mufunikila kuyamba mwaziŵa yankho ya konsho iliyonse yangakukonsheni ŵanthu yokhuza Baibolo. Tunena tetyo ndaŵa olo Mkhilisitu wamene ebatiziwa nikale opitilija mphela kuphunzila vinthu viyakine. (Akolose 1:9, 10) Koma mwewo mufunikila kuyamba mwaziŵa mfundo zoyambilila za m’Baibolo kuti mukabatiziwe. Akulu ŵa mumpingo akuyavyeni kuziŵa kuti keno vamwaphunzila ni vokwanila lomba olo yayi vokhuza Baibolo.
-