Mungakwanishe kulalikila na kuphunzisa!

Poyamba, Mose enzewona monga angakwanishelini utumiki wenze epasiwa na Yehova. (Eks 4:10, 13) Kansi mwewo mwelimvwako kale teti? Kansi mwewo muphunzila Baibolo na a Mboni za Yehova? Kansi mwewo mulikonsha keno mungakwanishe kulalikila ng’anda na ng’anda? Olo payakine nimwe wachilumbwana ndipo mukaikilalini mukaganizila zolalikila ku sikulu. Payakine muchita wowa kuchita ulaliki wapa foni olo kulalikila pamalo opezeka ŵanthu anyinji. Keno mulimvwa teti, pemphelani kwa Yehova nosenga mzimu utuŵa. (1Pe 4:11) Nkhalani na chidalilo chakuti Yehova angakuyavyeni mwewo kukwanilisha utumiki uliwonse wangakupaseni.—Eks 4:11, 12.

LOLELANI VIDIYO YAKUTI KHALANI OLIMBA MTIMA . . . OFALISA, NDIPO PAVULI PAKE YANKHANI MAKONSHO AŴA:

• Kansi ni vuto yotyani yechikumana nayo mlongo Aoyama?

• Kansi n’chinji chimuyavya kuti ankhale wotang’a komasoti wamphamvu?—Yer 20:7-9

• Kansi epindula tyani chifukwa choyeja-yeja kuchita vinyinji potumikila Yehova?

• Kansi ni mavuto otyani ŵamukumana nawo mu utumiki ŵangakuyavyeni Yehova kuti mupilile?