Vamungachite kuti mukopindula pophunzila Baibolo
Poyamba kambilanani vili pa pedji 2 na 3 pavulipake lolelani VIDIYO.
MBALI YOYAMBA
Kuti mukwanishe kukonzekela phunzilo iliyonse, mukoŵelenga mbali yoyamba. Cholinga cha makonsho (A) komasoti malemba (B) nowona mfundo zikulu-zikulu. Malemba amene alembewa kuti “ŵelengani” mukoŵaŵelenga mokweja pamuphunzila na okuphunzisani.
MBALI YAPAKATI
Mawu oyamba (C) amene ali pansi pa kamutu kakuti Vati tiphunzile ofotokoza mfundo zati mukambilane. Mitu ithontho-itontho (D) yufotokoza mfundo zikulu-zikulu za mutu uliwonse. Ŵelengani malemba, yankhani makonsho, nololela mavidiyo pamozi na okuphunzisani.
MAVIDIYO na VINTHU VOTETEKELA vikuyavyeni kumvwisha luweme mfundo zamuphunzila. Mavidiyo ayakine owonesha vochitika ngavo-ngavo. Komalomba mavidiyo ayakine na masewelo owonesha tyala vinthu vuchitika chendi pa moyo wasu.
Kambilanani vithunzi pamozi na mawu ŵake (E), ndipo ganizilani mwamungayankhile mbali yakuti Ŵanthu ayakine onena kuti (F).
MBALI YOSILIJILA
Silijani mutu uliwonse pokambilana mbali yakuti Mfundo zachidule komasoti Makonsho oweleja (G). Lembani nsiku yamwasilija mutu wamene uyo. Mbali yakuti Cholinga (H) yuwonesha vamungachite kuti mupitilije kuphunzila na kukatishila ntchito vamwaphunzila. Pansi pa mutu wakuti Phunzilani vinyinji (I) pali vinthu viyakine vamungakonde kuŵelenga komasoti kulolela.
Vili nkati umu
|
|
|
|
|
Mwamungafwanile malemba m’Baibolo
M’Baibolo muli mabuku atontho-atontho okwana 66. Iyaŵiwa mbali ziŵili: Malemba Achiheberi na Chiaramu (“Chipangano Chakale”) komasoti Malemba Achigiriki (“Chipangano Chanyowani”).
Malemba ali m’buku ino oyamba na zina ya (A) buku ya m’Baibolo, (B) chapitala, pavuli pake, (C) vesi olo kuti mavesi.
Mwachisanzo, Yohane 17:3 otanthauza buku ya Yohane, chapitala 17 vesi 3.