Kucinjacinja Malizu

Miyambo 8:4, 7

MALIZU ACIDULE: Laŵilani momvwika luweme, mocinjacinja mphamvu ya malizu koma soti mofulumila olo mocelwako, izi zipangishe kuti omvwishila akhuzike.

MWAMUNGACITILE:

• Mukocinjacinja mphamvu ya malizu. Kuzhyani mphamvu ya malizu ŵanu kuti mumvwikishe mfundo ikulu koma soti kuti mukulishe cidwi ca omvwishila. Citani cimozimozi pamuŵelenga malemba amene olaŵila uthenga waciweluzo. Cefyani mphamvu ya malizu kuti mukulishe cifuno ca omvwishila koma soti kuti muoneshe mfundo yamene ingacitishe nkhaŵa olo wowa omvwishila.

• Mukocinjacinja kamvwikidwe ka malizu. Ngati n’zololeka m’cilaŵilo canu, mungakuzhyeko kamvwikidwe ka malizu kuti muoneshe cidwi, kukula kwa cinthu olo kutalimpha kwake. Cefyani kamvwikidwe ka malizu ŵanu kuti muoneshe cisoni olo nkhaŵa.

• Kufulumila olo kucelwa polaŵila. Mukolaŵila mofulumila pofotokoza uthenga wosangalasha. Mukolaŵila mocelwa pofotokoza mfundo yofunika ngako.