Kabuku ka Msonkhano wa Umoyo na Utumiki Workbook—2025 | July

JULY 28–AUGUST 3

MIYAMBO 24

Nyimbo 38 na Pemphelo | Mau Oyambilila (1 min.)

CUMA CUPEZEKA M’MAU A MULUNGU

1. Nkhalani Otang’a Kuti Mukwanishe Kulimbana na Mavuto

(10 min.)

Yangizhyilani nzelu na ciziŵiso canu (Miy 24:5; it-2-E peji 610 ndime 8)

Mukopitilizhya kucita zinthu zauzimu olo pamukumana na zinthu zofokesha (Miy 24:10; w09-CN 12/15 peji 18 ndime 12-13)

Kunkhala na cikhulupililo cotang’a kungatiyavye kulimbana na mavuto (Miy 24:16; w20.12 peji 15)

Kalongosi wamene ali na matenda akulu, mosangalala olalikila pamozi na kalongosi muyake pakucita ulaliki wa ng’anda na ng’anda. Oonesha mzimayi muyakine ali pa mulyango zinthu zili pa tabuleti.

2. Kufufuza Cuma Cauzimu

(10 min.)

Miy 24:27—Kansi mwambi uyu utiphunzisanji? (w09-CN 10/15 peji 12)

Yankho yanu
Kansi mwepeza mfundo zotyani pa kuŵelenga Baibo kwa sondo ino?

Yankho yanu

3. Kuŵelenga Baibo

(4 min.) Miy 24:1-20 (th phunzilo 11)

KUYANGIZHYILA LUSO YASU MU UTUMIKI

4. Kuyambisha Makambisilano

(2 min.) ULALIKI WAMWAMWAI. Makambisilano yosila mukaliyoyamba kumulalikila. (lmd phunzilo 2 mfundo 4)

5. Kuyambisha Makambisilano

(3 min.) ULALIKI WA NG’ANDA NA NG’ANDA. (lmd phunzilo 3 mfundo 4)

6. Kuyambisha Makambisilano

(3 min.) ULALIKI WA PATUŴA. Uzhyani munthu za pulogilamu yophunzila Baibo nomusiila kakhadi kosengela phunzilo ya Baibo. (lmd phunzilo 4 mfundo 3)

7. Nkhani

(3 min.) lmd zakosilizhyila A mfundo 11—Mutu: Mulungu Olaŵila Nase. (th phunzilo 6)

UMOYO WACIKHRISTU

Nyimbo 99

8. Tikoyavyana pa Nthawi ya Mavuto

(15 min.) Nkhani yolaŵizhyana.

Zinthu monga mlili wa matenda, masoka acilengedwe, ciwawa, nkhondo na cinzunzo, zingayambe mosayembekezeleka. Zoteti zikacitika, Akhristu amene akhuziwa okatizhyana na colinga cakuti ayavyane nolimbikishana. Olo kuti nase tingakhuziwe lini mwacindunji, tukumvwa monga ni mwakumvwila Akhristu ayasu amene akhuziwa mwacindunji ndipo tucita zilizonse zatingakwanishe kuti tiŵayavye.—1Akor 12:25, 26.

Vithunzithunzi: Akwasu na azilongosi oyavya okhulupilila ayao m’njila zosiyanasiyana. 1. Akwasu na azilongosi omanga soti ng’anda ya Ufumu yamene yenze yeonongeka cifukwa ca masoka acilengedwe. 2.Mwacikondi akwasu na azilongosi olandila mzimai wothaŵa kwao pamozi na mwana wake. 3. Kalongosi oponya ndalama m’kabokosi ka zopeleka m’ng’anda ya Ufumu. 4. Akwasu na azilongosi opeleka zofunikila kuli okhulupilila ayao pa ng’anda ya Ufumu amene ethaŵa kwao. 5. Mozipeleka, akwasu na azilongosi opeleka manzi. 6. Mkwasu opemphela.

Ŵelengani 1 Mafumu 13:6 na Yakobo 5:16b. Pavuli pake konshani omvwishila konsho iyi:

Ndaŵa yanji mapemphelo yakupeleka atumiki a Mulungu okhuza ŵanthu ayakine ni a mphamvu?

Yankho yanu

Ŵelengani Maliko 12:42-44 na 2 Akorinto 8:1-4. Pavuli pake konshani omvwishila konsho iyi:

Ndaŵa yanji tufunika lini kuwayawaya kucilikiza nchito ya pa calo conse, yoyavya akwasu ofunikila thandizo olo kuti tili na ndalama zitontho?

Yankho yanu

Oneshani Vidyo Yakuti Kulimbikisha Akwasu pa Nthawi ya Cileso. Pavuli pake konshani omvwishila makonsho aŵa:

Kansi akwasu ezitana zinthu zotyani kuti ayavye Akhristu ayao ku m’mawa kwa Europe kwamene nchito yasu yenze yoleshewa?

Yankho yanu
Nchito yasu peyenze yoleshewa, kansi akwasu ecitanji kuti amvwile lamulo yakuti tikosonkhana pamozi nolimbikishana?—Aheb 10:24, 25

Yankho yanu

9. Phunzilo ya Baibo ya Mpingo

(30 min.) lfb phunzilo 4-5