Mukoonesha Kuwama Mtima

Zecicita Yesu

VIDYO: Yesu Opolesha Munthu Wosalolesha

1. Onelelani VIDYO, olo ŵelengani Yohane 9:​1-7. Pavuli pake, yankhani makonsho aŵa:

1. Kansi Yesu eyambila kucita cinji—kansi eyambila kupolesha munthu wosalolesha olo kumulalikila uthenga uweme?—Onani Yohane 9:​35-38.

2. Kansi muona kuti ndaŵa yanji munalume uyu enze wofunishisha kumvwishila uthenga uweme?

Kansi Tingaphunzilenji Kufumila Kuli Yesu?

2. Munthu angankhale na cifuno comvwishila uthenga wasu ngati oona kuti tusamala za yove.

Tolelani Cisanzo ca Yesu

3. Mukoyesa kuganizila mwakumvwila munthu.

1. Zikonsheni kuti: ‘Kansi n’cinji cumudesa nkhaŵa? N’cinji cangaone kuti cingamuyavye olo kumucitisha cidwi?’ Kuzikonsha makonsho oteti kungakuyavyeni kuti mumuoneshe kuwama mtima m’njila yacibadwa koma soti mofumila pansi pa mtima.

2. Mukoonesha kuti musamala za munthu wamulaŵizhyana naye mwa kumumvwishila. Ngati wakuuzhyani mwakumvwila ponena za nkhani iyakine olo wakufotokozelani vuto yakukumana nayo, mukopewa kucinja nkhani.

4. Mukolaŵila mwacifundo koma soti mwaulemu. Kupitila m’mau ŵanu, munthu angakwanishe kuzindikila kuti mumucitila cifundo na kuti mufunishisha kumuyavya. Mukosankha mosamala mau ŵanu na mwamungayalaŵilile, ndipo mukopewa kulaŵila zinthu zingamukhumudwishe.

5. Mukomuyavya. Mukosakila njila zamungamuyavyilemo mwa kucitapo kanthu. Ngati tuonesha munthu cifundo, onkhala womasuka kulaŵila nase.