Mukonkhala Olicefya

Zecicita Paulo

VIDYO: Paulo Olalikila Mfumu Agiripa

1. Onelelani VIDYO, olo ŵelengani Machitidwe 26:​2, 3. Pavuli pake, yankhani makonsho aŵa:

1. Kansi Paulo eonesha tyani kuti enze wolicefya polaŵila na Mfumu Agiripa?

2. Kansi Paulo etwala tyani ulemelelo kwa Yehova koma soti ku Malemba m’malo motwala ulemelelo kuli yove?—Onani Machitidwe 26:22.

Kansi Tingaphunzilenji Kufumila Kuli Paulo?

2. Uthenga wasu unkhala wocitisha cidwi ngako ngati tulaŵila molicefya koma soti mwaulemu.

Tolelani Cisanzo ca Paulo

3. Mukolaŵila mwaulemu. Mukopewa kucitisha munthu wamulaŵila naye kuganiza kuti muziŵa vonse na kuti yove paliye vakuziŵa.

4. Mukofotokoza bwino zinthu zamuphunzisa kufumila m’Baibo. Mau a Mulungu angakhuze mwakumvwila na mwakuganizila ŵanthu ayakine. Ngati tuyaseŵenzesha, yangatang’ishe cikhulupililo cao pa maziko oyenelela.

5. Mukopitilizhya kunkhala odekha. Mukopewa kukakamizhya ŵanthu ayakine kukhulupilila kuti zamulaŵila mweo niye zoyenela. Tufuna lini kukangana na ŵanthu. Mungaoneshe kuti nimwe olicefya mwa kunkhala odekha noziŵa nthawi yamungafumepo. (Miy. 17:14; Tito 3:2) Ngati munkhala odekha, payakine munthu uyu angayomvwishila uthenga wasu pa nthawi iyakine.