Cendi Catukonda Kuphunzisa

Yesu elaŵila kuti ŵanthu oona mtima akozindikila cendi pavuli pakuti acimvwa. (Yoh. 10:​4, 27) Tetyo patulaŵizhyana na ŵanthu, tufunika kuŵafotokozelako cendi cosavuta kumvwa ca m’Baibo. Tingayambe mwa kuŵakonsha kuti: “Kansi muziŵa kuti . . . ?” olo “Kansi mwemvwako kale kuti . . . ?” Pavuli pake mungaseŵenzeshe Lemba olo Malemba poŵafotokozela cendi. Kufotokozelako ayakine cendi cosavuta kumvwa ca m’Baibo kungakomole mbeu mu mtima mwa munthu, ndipo Mulungu angacitishe kuti mbeu iyi ikule.—1 Akor. 3:​6, 7.

• Sogolo

• Banja

• Mulungu

• Pemphelo

• Yesu

• Ufumu wa Mulungu

• Kuvutika

• Imfwa

• Cipembezo

SOGOLO

1. 1. Vinthu vucitika masiku ŵano koma soti minkhalidwe ya ŵanthu zuonesha kuti lombapano vinthu vicinje—Mat. 24:​3, 7, 8; Luka 21:​10, 11; 2 Tim. 3:​1-5.

2. 2. Calo cikaonongewe lini—Sal. 104:5; Mla. 1:4.

3. 3. Calo cikankhale paladaiso.—Yes. 35:​1, 2; Chiv. 11:18.

4. 4. Munthu aliyense akankhale na thanzi yangwilo.—Yes. 33:24; 35:​5, 6.

5. 5. Mungankhale na moyo kosasila pacalo.—Sal. 37:29; Mat. 5:5.

BANJA

1. 6. Munalume ofunika “kukonda mkazi wake monga ni mwakuzikondela yeka.”—Aef. 5:33; Akol. 3:19.

2. 7. Munakazi ofunika kulemekeza ngako mulume wake.—Aef. 5:33; Akol. 3:18.

3. 8. Munalume na munakazi ofunika kunkhala wokhulupilika kuli muyake.—Mal. 2:16; Mat. 19:​4-6, 9; Aheb. 13:4.

4. 9. Ŵana ofunika kumvwila nolemekeza makolo ŵao kuti zinthu ziŵayendele bwino.—Miy. 1:​8, 9; Aef. 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

MULUNGU

1. 10. Mulungu ali na zina.—Sal. 83:18; Yer. 10:10.

2. 11. Mulungu olaŵila nase.—2 Tim. 3:​16, 17; 2 Pet. 1:​20, 21.

3. 12. Mulungu aliye sankho.—Deut. 10:17; Mac. 10:​34, 35.

4. 13. Mulungu ofuna kutiyavya.—Sal. 46:1; 145:​18, 19.

PEMPHELO

1. 14. Mulungu ofuna kuti tikopemphela kwa yove.—Sal. 62:8; 65:2; 1 Pet. 5:7.

2. 15. Baibo yutiphunzisa mwatingapemphelele.—Mat. 6:​7-13; Luka 11:​1-4.

3. 16. Tikopemphela nthawi zonse.—Mat. 7:​7, 8; 1 Ates. 5:17.

YESU

1. 17. Yesu enze mphunzisi wabwino ndipo malangizo ŵake akaluseŵenza olo masiku ŵano.—Mat. 6:​14, 15, 34; 7:12.

2. 18. Yesu eloselelatu zinthu zatuona masiku ŵano.—Mat. 24:​3, 7, 8, 14; Luka 21:​10, 11.

3. 19. Yesu ni Mwana wa Mulungu.—Mat. 16:16; Yoh. 3:16; 1 Yoh. 4:15.

4. 20. Yesu ni Mulungu lini Wamphamvuzonse.—Yoh. 14:28; 1 Akor. 11:3.

Based on NASA/Visible Earth imagery

UFUMA WA MULUNGU

1. 21. Ufumu wa Mulungu ni boma yeneyene yakululu.—Dan. 2:44; 7:​13, 14; Mat. 6:​9, 10; Chiv. 11:15.

2. 22. Ufumu wa Mulungu ukaloŵe m’malo mwa maboma onse.—Sal. 2:​7-9; Dan. 2:44.

3. 23. Ufumu wa Mulungu niye tyala ungasilizhye mavuto a ŵanthu.—Sal. 37:​10, 11; 46:9; Yes. 65:​21-23.

KUVUTIKA

1. 24. Mulungu niye lini ocitisha mavuto.—Deut. 32:4; Yak. 1:13.

2. 25. Satana niye olamulila calo cino.—Luka 4:​5, 6; 1 Yoh. 5:19.

3. 26. Mulungu oona mavuto yamukumana nayo ndipo ni wofunishisha kukuyavyani.—Sal. 34:​17-19; Yes. 41:​10, 13.

4. 27. Lombapano, Mulungu akasilizhye mavuto.—Yes. 65:17; Chiv. 21:​3, 4.

IMFWA

1. 28. Ŵanthu akufwa oziŵa lini ciliconse ndipo ovutika lini.—Mla. 9:5; Yoh. 11:​11-14.

2. 29. Akufwa angatiyavye lini olo kuticitila vinthu viipa.—Sal. 146:4; Mla. 9:​6, 10.

3. 30. Okondeka ŵasu ecifwa akaukishiwe.—Yobu 14:​13-15; Yoh. 5:​28, 29; Mac. 24:15.

4. 31. “Imfwa ikankhaleko lini soti.”—Chiv. 21:​3, 4; Yes. 25:8.

CIPEMBEZO

1. 32. Ni vipembezo lini vonse vamene vukondwelesha Mulungu.—Yer. 7:11; Mat. 7:​13, 14, 21-23.

2. 33. Mulungu ozonda cinyengo.—Yes. 29:13; Mika 3:11; Mko. 7:​6-8.

3. 34. Cikondi cenecene cuziŵikisha cipembezo cacendi.—Mika 4:3; Yoh. 13:​34, 35.