PHUNZILO 6

Kumvwikisha Mfundo Ili pa Lemba

Yohane 10:33-36

MALIZU ACIDULE: Osaŵelenga tyala lemba noluta pa mfundo iyakine. Mukooneshesha kuti omvwishila aona kukatizhyana kwa lemba na mfundo yamufotokoza.

MWAMUNGACITILE:

Fotokozani tyala mfundo yamufuna. Mukaŵelenga lemba, fotokozani tyala mfundo yamufunapo. Mungacite zamene izi mwa kuwelezhya malizu amene ao olo kukonsha konsho yamene ingayavye omvwishila kuzindikila mfundo ikulu.

Ngati mwaseŵenzesha malizu ayakine kuti mumvwikishe mfundo ili pa lemba, simikizhyilani kuti omvwishila aona mwamene malizu ali m’Baibolo okatizhyilana na mfundo ikulu.
Gogomezelani mfundo ikulu. Mukaliyoŵelenga lemba, mufunika kufotokoza cifukwa cati muŵelengele lemba nofotokoza mwamene mfundo ikulu ya pa lemba yukatizhyilana na nkhani yanu.

Pamufotokoza lemba, Baibolo yanu yufunika kunkhala yosegula. Izi zuyavya omvwishila kukatanisha zamulaŵila na zili pa lemba yamwaŵelenga.
Fotokozani mosavuta mwatingaseŵenzeshele mfundo ili pa lemba. Pewani kufotokoza zinthu zamene zukatizhyana lini ngako na mfundo ikulu. Kulingalila zinthu zakuziŵa kale omvwishila pa nkhani yamene iyo, zingayavye omvwishila kuimvwisha bwino mfundo.