Konzekeleshani Mtima Wanu

Ngati tuphunzila Baibo, tufuna kuti maganizo a Yehova akhuze mtima na maganizo ŵasu. Tingaphunzile zinyinji kufumila kuli Ezara wamene “ekonzekelesha mtima wake kuti aphunzile Cilamulo ca Yehova.” (Eza. 7:10) Kansi tingakonzekeleshe tyani mtima wasu?

Mukopemphela. Mukaliyoyamba kuphunzila, mufunika kupemphela. Sengani Yehova kuti akuyavyeni kumvwisha zamuŵelenga kuti mukwanishe kuseŵenzesha zamuphunzila.—Sal. 119:​18, 34.

Mukonkhala olicefya. Mulungu ofisa cendi kuli ŵanthu olikuzhya amene oona kuti ofunikila lini thandizo kuti akwanishe kuimvwishisha Baibo. (Luka 10:21) Tetyo, tufunika kupewa kuphunzila na colinga cakuti tioneshe kuli ayakine kuti tuziŵa zinyinji. Ndipo ngati taona kuti pali mbali zatufunika kucinja, tufunika kunkhala olicefya nopanga masinthidwe ofunikila.

Mukomvwishila ku imozi mwa nyimbo zasu. Nyimbo zingakhuze mwatumvwila. Tetyo, ngati tumvwishila ku nyimbo zasu tikaliyoyamba kuphunzila, zingatiyavye kuti tiike mtima wasu pa Yehova na kuti zinthu zati tiphunzile zikhuze mtima wasu.