Dikoronika Tsa Mathomo

17 Mo Dafita a šele a dulisegiye ntlong yage, a re ga Nathane+ wa gore ke moporofeta: “Ke nna yewa ke dula ntlong ya go makiwa ka mesidara+ mara areka ya go kwanisanya ya Jehova yi ka teng ga letente la go makiwa ka malapi.”+ 2 Nathane a botsa Dafita gore: “Maka tso o di nabelang, ka gore Modimo wa mannete o nago.”

3 Bošego byobyone, lentsu la Modimo la tla ga Nathane la re: 4 “Ariye o ye botsa lelata laka Dafita gore, ‘Tsowa ke tso Jehova a di hlayang: “A yi wene wa gore o nyoko n’yagela ntlo gore ke dule ga yona.+ 5 Ka gore go tlugisela ke ntshiye batho ba Israyele go segela lekgono, a ke soko dula ntlong, mara ke mo ke tloga ga letente le lengwana ke ya ga le lengwana fote ke tloga ga tabarenakele ye nngwana ke ya ga ye nngwana.+ 6 Nako ka mokana ga yona yo ke sipidiyeng le Maisrayele ka mokana ga wona, ayitsano ke yye ka botsa dindhuna tsa Israyele tsa gore ke di hlawodiye gore di pasope batho baka ka re, ‘Ke ntaba le sa n’yagela ntlo ya go makiwa ka mesidara?’”’

7 “Byalo, o botse lelata laka Dafita gore, ‘Tsowa ke tso Jehova wa masole a di hlayang: “Ke go tsere ku mašahleng o disa morape, ka maka gore o yete batho baka ba Maisrayele mahlong.+ 8 Ke nyoko ba nago go gongwana le go gongwana mo o yang,+ fote ke nyoko fetsa ka manaba yago ka mokana ga wona ya gore o ko ba o lwa nawo;+ ke nyoko maka gore o tšibege go tshwana le batho ba mo lefaseng ba gore ba ba tseyela gedimo.+ 9 Ke nyoko maka gore batho baka ba Israyele ba be le poleke ya go dula ga yona, ba nyoko dula hone fote ba ka sa sa hlupa ke motho; batho ba dipelo tse diphifadu ba ka sa sa ba gatelela go tshwana le ku botala,+ 10 go tlugisela ka letšatši lo ke hlawodiyeng ba go yahlula batho baka ba Israyele.+ Ke nyoko go khutsisa ga manaba yago ka mokana ga wona.+ Ke ya go botsa, ‘Jehova o nyoko go yagela ntlo.’

11 “‘“Mo matšatši yago ma fela fote ba go boloka le bokokwane bago, ke nyoko maka gore setlogolwane* sago, yene morwayi wago go be kgoši,+ fote ke nyoko maka gore bogoši byage bo yeme bo tiyye.+ 12 Ke yene a nyoko n’yagelang ntlo,+ fote ke nyoko maka gore setulo sage sa go lawola se dule se le gona.+ 13 Ke nyoko ba papage, fote yene go nyoko ba morwayi waka.+ Ke nyoko dula ke šupetsa gore ke ya mo nyaka,+ fote nka sa mo lahle go tshwana le mo ke lahliye kgoši yo ne yi lawola mo go soko bane go lawola wene.+ 14 Ke nyoko mmeya gore go be kgoši ka mutšing waka go ya go yye,+ fote setulo sage sa go lawola se nyoko dula se le gona.”’”+

15 Nathane o butsiye Dafita mantsu yawa ka mokana ga wona le mmono wowa ka mokana ga wona.

16 Ke mokane Kgoši Dafita a dula mahlong ga Jehova a re: “Barena Jehova Modimo, ke nna mang mara? Fote ba mutši waka go ro ba ying la gore o šinye o mmakela dilo tsa go tlala ka mokgo?+ 17 Wene Modimo, o tokegele ka go hlaya gore go nyoko fela nako ya go lefa ba mutši waka ba le gona,+ fote wene Jehova o mponne ke le motho wa go loka ke mokane wa ya mahlong o n’gadimisa. 18 Ka gore o šupetsiye gore o ntseyela gedimo, lelata lago Dafita le ka hlwa le sa re king mara ka taba la gore wene o tšiba lelata lago gabutši?+ 19 Wene Jehova, ka taba la gore o fetsiye le pelo yago le ka taba la lelata lago, o makiye dilo tsowa tse dikgolo ka mokana ga tsona, wa šupetsa gore ke wene ye mogolo.+ 20 Wene Jehova, a go na wa go tshwana nago,+ ke wene Modimo o le ntoši;+ dilo ka mokana ga tsona tso re di kwileng di šihlela taba yowa. 21 Nje go na le setšhaba sa go tshwana le batho bago ba Israyele mo lefaseng?+ Modimo wa mannete a ya a ba phonisa gore go be batho bage.+ O timakele lebitso ka go ba makela dilo tse dikgolo tsa go makatsa,+ o rakiye ditšhaba mahlong ga batho bago+ ba gore o ba phonisiye Egepita. 22 Wene o makiye gore Maisrayele go be batho bago go ya go yye;+ fote wene Jehova wa ba Modimo wa bona.+ 23 Byalo, wene Jehova, nkare tso o di tshepisiyeng lelata lago le ba mutši wa lona o ka di maka go ya go yye, fote nkare o ka fo maka ka mokgo o tshepisiyeng.+ 24 Nkare lebitso lago le ka dula le le gona fote la gadimisiwa+ go ya go yye, gore batho ba re, ‘Jehova wa masole ke Modimo wa Israyele, ke Modimo wa batho ba Israyele,’ fote nkare o ka maka gore mutši wa lelata lago Dafita wo dule wo le gona.+ 25 Ka gore wene Modimo waka, o wunyullele lelata lago gore o nyoko le yagela ntlo. Nka taba lo lelata lago le nang le lešiši la go rapela ka mokgo. 26 Fote wene Jehova, ke wene Modimo wa mannete, o tshepisiye lelata lago dilo tsowa tsa gabutši. 27 Nkare o ka jabodisa ke go rufa ba mutši wa lelata lago, fote nkare mutši wone wo ka dula wo le gona, ka gore wene Jehova o wo rufiye, fote wo nyoko rufega go ya go yye.”