Dikoronika Tsa Mathomo

21 Ke mokane Sathane a hlasela Maisrayele, a kutšetsela Dafita gore a balele Maisrayele.+ 2 Byalo Dafita a botsa Jowabho+ le dindhuna tsa Maisrayele a re: “Ariyeneng le ye balela Maisrayele go tlugisela Bhere-šeba go segela Dani;+ gore ke thogo tšiba gore nka makaye.” 3 Mara Jowabho a re: “Nkare Jehova a ka maka gore batho bage ba yeketsege ga 100! Kgoši morenaka, anthe ka mokana ga bona a yi malata ya morenaka? Mara ke ntaba morenaka a nyaka go maka ka mokgo? Ke ntaba a nyaka go leyela Israyele senyama?”

4 Mara mantsu ya kgoši ke mo ma kwagala ka matla go phala ya Jowabho. Byalo Jowabho a tloga a sepela Israyele ka mokana ga yona, ka nthago a segela Jerusalema.+ 5 Jowabho a neya Dafita nombhoro ya batho bo ba ba ngwadisiyeng. Maisrayele ka mokana ga wona ke mo go le 1 100 000 ya banna ba gore ke mo ba tshwere disabola, fote banna ba Majuda ba gore ke mo ba tshwere disabola ke mo go le 470 000.+ 6 Mara Malifi le Mabhenjamini ke mo ma sa ngwadisiwa gare ga bona,+ ka taba la gore lentsu la kgoši ke mo le silikisa Jowabho.+

7 Tsowa ke mo di sa jabodisi Modimo wa mannete, byalo a hlasela Israyele. 8 Dafita a re ga Modimo wa mannete: “Ke sinnye+ ka matla mo ke maka dilo tsowa. Barena, ke kgopela o tshwarele nna lelata lago+ ga tso ke di sinnyeng, ka taba la gore ke makiye dilo tsa bophokophoko.”+ 9 Jehova a bolabola le Ghada+ wa gore ke mo a bona dilo tso di nyoko tlelang Dafita, a re: 10 “Ariye o ye botsa Dafita gore, ‘Tsowa ke tso di hlayang ke Jehova: “Tikgetele ga dilo tsowa kararo ya tsona. Kgeta sa gore o nyaka ke go leyela sona.”’” 11 Byalo Ghada a tla ga Dafita a segela a re gage: “Tsowa ke tso Jehova a di hlayang, ‘Tikgetele 12 gore o nyaka gore go fele kararo ya mengwaga le bolaya ke tlala hone nageng,+ kela o nyaka go fele kararo ya dikgwedi o hlula ke manaba yago,+ kela go fele kararo ya matšatši Jehova a le wolola ka sabola+ fote go na le bolwele bya go sasamela mone nageng, lengeloyi la Jehova le sinyanya+ Israyele ka mokana ga yona.’ Byalo mpotse gore ke segele ke re king ga ye a nrommeng.” 13 Dafita a re ga Ghada: “Taba yowa yi nkwisa go baba ka matla. Ke kgopela gore ke sa wolole ke motho;+ mara ke wolole ke Jehova ka taba la gore o kwelana go baba ka matla.”+

14 Ke mokane Jehova a leyela Maisrayele bolwele bya go sasamela,+ gwa kgwa 70 000 ya batho mone Israyele.+ 15 Go tokegela gana hone, Modimo wa mannete a romela lengeloyi ku Jerusalema gore le fetse ka yona; mara mo le šele le nyoko maka ka mokgonone, Jehova a di bona fote a tisola ka taba la dilo tso a ba leyeleng tsona tsa go sasamela,+ a botsa lengeloyi lela ne le leyela batho tsa go sasamela a re: “Go lukiye!+ Yemanyana.” Lengeloyi la Jehova ke mo le yemme thina le mo Onani+ wa Lejebuse a tulelang gona.+

16 Mo Dafita a lebelela, a bona lengeloyi la Jehova le yemme segare ga lefase le magedimo le ntshiye sabola+ le šupetsiye Jerusalema. Dafita le banna ba bagolo ke mo ba yapere masaka,+ ba napa ba kgotama ba yinamisiye difahlego.+ 17 Dafita a re ga Modimo wa mannete: “Anthe a yi nna ke hlayyeng gore go balediwe batho? Ke nna ye a sinnyeng, fote ke nna wa go maka dilo tsa go tšwa pateng;+ mara dinku tsowa di makiye ying? Barena Jehova Modimo waka, ke kgopela o wolole nna le ba mutši wa papaka; o sa leyi tsa go sasamela ga batho bago.”+

18 Ke mokane lengeloyi la Jehova la botsa Ghada+ gore a botse Dafita gore a ye a yagele Jehova aletare hala Onani wa Lejebuse o tulela gona.+ 19 Dafita a sepela ka nthago ga gore Ghada a mmotse tso Jehova a di hlayyeng. 20 Ka nako yonone, mo Onani a jika ke mokane a bona lengeloyi lela, kanne ya barwayi bage ba wutama. Byalo Onani ke mo a tula korong. 21 Mo Dafita a tla gage, Onani a lebelela a bona Dafita ke mokane a napa a tšwa hala a tulelang gona, a kgotamela Dafita a yinamisiye hlogo. 22 Dafita a re ga Onani: “Nrekisele poleke yowa ya go tulela ga yona, gore ke thogo yagela Jehova aletare. Nrekisele ka tšheleta ya go felegelela gore batho ba sa sa wela ke dilo tsa go sasamela.”+ 23 Mara Onani a re ga Dafita: “Kgoši morenaka a tseye poleke yone, a make so a bonang se lukiye. Dikgomu tsa go maka dihlabelo tsa go tšhubiwa ke tsowa, tseya le sa go tula ka sona gore o make mahlare, o tseye le korong gore go be sehlabelo sa mabele.+ Ke go neya tsona ka moka.”

24 Mara Kgoši Dafita a re ga Onani: “Awwa, di nyaka ke yi reke ka tšheleta ya go felegelela, ka gore nka sa tseye selo sago ka se neya Jehova kela ka maka dihlabelo tsa go tšhubiwa ka dilo tsa gore ke di krayye mahala.”+ 25 Byalo Dafita a reka poleke yone ga Onani ka dišekele* tsa gholdi, fote dišekele tsone ke mo di kala 600. 26 Dafita a yagela Jehova aletare+ gana hone, a mo makela dihlabelo tsa go tšhubiwa le dihlabelo tsa go hlekediwa ke mokane a rapela Jehova, yene a mo fetola ka go romela mollo+ wa go tšwa magedimong, wa tšhuba sehlabelo sa go tšhubiwa so ne se le hone aletareng. 27 Ke mokane Jehova a botsa lengeloyi+ lela gore le busetse sabola yone sekhwameng sa yona. 28 Ka nako yonone, mo Dafita a bona gore Jehova o mo fetodiye nakwela a le ku Onani wa Lejebuse a tulelang gona mabele, o yye mahlong a maka sehlabelo gana hone. 29 Mara tabarenakele ya Jehova ya gore Moše o yi makiye ku mašahleng le aletare ya dihlabelo tsa go tšhubiwa ke mo di le ga poleke ya kgakala ku Ghibhiyoni ka nako yonone.+ 30 Mara Dafita aa kgona go ya ga yona gore a thogo bolabola le Modimo, ka taba la gore ne a tšhaba sabola ya lengeloyi la Jehova.