Dikoronika Tsa Mathomo

27 Yowa ke nombhoro ya Maisrayele, ba go yeta mahlong ga mitši ya bopapa ba bona, dindhuna tsa go wokamela megoba ya go ba le dikiti tsa batho le tsa go wokamela megoba ya go ba le makgolo+ ya batho le ba go lawola ba gore ba berekela kgoši.+ Kgwedi ye nngwana le ye nngwana mo mongwageng, megoba yone ke mo yi tšhentšhana; fote mogoba wo mongwana le wo mongwana ke mo wo na le 24 000 ya banna.

2 Ka kgwedi ya mathomo, mogoba wa mathomo ne go le wa Jašobheyamo+ morwayi wa Zabhidiyele, fote ga mogoba wage ke mo go na le 24 000 ya banna. 3 Ga barwayi ba Pereze,+ ke yene wa gore ke mo a yetetsa dindhuna ka mokana ga tsona tsa megoba yo ne yi maka mmereko wa kgwedi yone ya mathomo. 4 Mogoba wa kgwedi ya mabedi ke mo wo wokamela ke Dodayi+ wa Leahohi,+ fote Mikilothe ke mo a yeta mahlong, mone ga mogoba wage ke mo go na le 24 000 ya banna. 5 Ndhuna ya mogoba wa kararo yo ba yi hlawodiyeng gore yi bereke ka kgwedi ya kararo ke mo go le Bhenaya+ morwayi wa Jehoyada+ wa gore ke moprista ye mogolo, fote ga mogoba wage ke mo go na le 24 000 ya banna. 6 Bhenaya yewa ke mo go le ye mongwana wa 30 ya masole ya go ba le matšhika, ke mo go le yene ye a lawolang masole yawa 30 ya wona, fote morwayi wage Amizabhadi ke mo go le yene wa go mo gelepa ga mogoba wage. 7 Ka kgwedi ya kanne, mogoba wa kanne ke mo go le wa Asahele+ wa gore ke bhuti wa Jowabho,+ Zebhadaya ne go le wa go mo gelepa, fote ga mogoba wage ke mo go na le 24 000 ya banna. 8 Ga kgwedi ya kapheta, ndhuna ya kapheta ke mo go le Šamohuthe wa gore ke Leiziraya, fote ga mogoba wage ke mo go na le 24 000 ya banna. 9 Ga kgwedi ya kobodi, mogoba wa kobodi ke mo go le wa Ira+ morwayi wa Ikeše wa gore ke Letekowa,+ fote ga mogoba wage ke mo go na le 24 000 ya banna. 10 Ga kgwedi ya kašupa, mogoba wa kašupa ke mo go le wa Heleze+ wa gore ke Lepeloni wa go tšwa Eforayimi, fote ga mogoba wage ke mo go na le 24 000 ya banna. 11 Ga kgwedi ya mabala, mogoba wa mabala ke mo go le wa Sibhekayi+ wa gore ke Lehuša wa go tšwa Zera,+ fote ga mogoba wage ke mo go na le 24 000 ya banna. 12 Ga kgwedi ya nkokwane, mogoba wa nkokwane ke mo go le wa Abhiyazara+ wa gore ke Leanathothe+ wa go tšwa Bhenjamini, fote ga mogoba wage ke mo go na le 24 000 ya banna. 13 Ga kgwedi ya lesome, mogoba wa lesome ke mo go le wa Maharayi+ wa gore ke Lenetofa wa go tšwa Zera,+ fote ga mogoba wage ke mo go na le 24 000 ya banna. 14 Ga kgwedi ya bo 11, mogoba wa bo 11 ke mo go le wa Bhenaya+ wa gore ke Lepirathone wa go tšwa ga barwayi ba Eforayimi, fote ga mogoba wage ke mo go na le 24 000 ya banna. 15 Ga kgwedi ya bo 12, mogoba wa bo 12 ke mo go le wa Heldayi wa gore ke Lenetofa wa go tšwa Othiniyele, fote ga mogoba wage ke mo go na 24 000 ya banna.

16 Bowa ke bo ne ba yeta mahlong ga maloko ya Israyele: Wa go yeta mahlong ga leloko la Rubeni ke mo go le Eliyazara morwayi wa Zikhiri; ga leloko la Simiyoni ke mo go le Šefataya morwayi wa Mayakha; 17 ga leloko la Llifi ke mo go le Hašabhiya morwayi wa Kemuwele; ga leloko la Aroni ke mo go le Zadoke; 18 ga leloko la Juda ke mo go le Elihu+ bhuti wa Dafita; ga leloko la Isakhara ke mo go le Omiri morwayi wa Mayikhele; 19 ga leloko la Zebhuloni ke mo go le Išimaya morwayi wa Obadiya; ga leloko la Nafthali ke mo go le Jerimothe morwayi wa Azriyele; 20 ga leloko la Eforayimi ke mo go le Hošeya morwayi wa Azaziya; ga sekopa sa leloko la Manase ke mo go le Juwele morwayi wa Pedaya; 21 ga sekopa sa leloko la Manase ku Ghiliyade ke mo go le Idho morwayi wa Zakariya; ga leloko la Bhenjamini ke mo go le Jasiyele morwayi wa Abhonere;+ 22 ga leloko la Dani ke mo go le Azarele morwayi wa Jerohamo. Bowa ke mo go le dindhuna tsa maloko ya Israyele.

23 Dafita aa balela ba go ba le 20 ya mengwaga le ba ka tlase, ka taba la gore Jehova ne a tshepisiye gore o nyoko maka gore Maisrayele ma tlale go tshwana le dinanedi tsa ku magedimong.+ 24 Jowabho morwayi wa Zeruya a thomisa go balela batho, mara aa fetsa; ke mokane tsotsone dya maka gore Modimo a kwatele Israyele,+ fote nombhoro yowa a ya ngwadiwa ga ditaba tsa botala tsa mo go lawola Kgoši Dafita.

25 Azimavethe morwayi wa Adiyele ke mo a lawola dilo tso kgoši+ yi di tseyelang gedimo. Jonathane morwayi wa Uziya ke mo a wokamela dintlo tso ba beyang dilo ga tsona* tsa gore di ku mašomong, mitšing, dimitšaneng le ka teng ga diwokamelo. 26 Ezri morwayi wa Khelubhi ke mo a wokamela bo ba berekang go lima ku mašomong. 27 Šimeyi wa Lerama ke mo a wokamela mašomo ya didhriva; Zabhidi wa Lesifomothe ke mo a wokamela mo ba beyang wayini. 28 Bhaali-hanani wa Leghedere ke mo a wokamela dikwata tsa mehlare ya diolivi le mogo+ ku Šefela,+ Jowaše ke mo a wokamela mo ba beyang makgura. 29 Šitrayi wa Lešerone ke mo a wokamela merape ya gore ke mo yi kgula ku Šerone,+ fote Šafate morwayi wa Adilayi ke mo a wokamela merape ya ku mašahleng. 30 Obhili wa Leišimayele ke mo a wokamela dikamela; Jehedaya wa Lemeronothe ke mo a wokamela dibhongholo. 31 Jazizi wa Lehagha ke mo a wokamela dinku le dipudi. Dilo tsowa ka mokana ga tsona ke mo go le dilo tsa dindhuna tsa Kgoši Dafita.

32 Jonathane+ motlogolo wa Dafita ke mo a yeletsa kgoši, ke mo go le monna wa go kwisisa fote go le mabhalane, Jehiyele morwayi wa Hakhemoni ke mo a pasopa barwayi ba kgoši.+ 33 Ahithofele+ ke mo a yeletsa kgoši, fote Hušayi+ wa Learekhe ke mo go le monghana wa kgoši. 34 Ka nthago ga Ahithofele ke mo go na le Jehoyada morwayi wa Bhenaya+ le Abhiyathara;+ fote Jowabho+ ke mo go le ndhuna ya masole ya kgoši.