Jobo
15 Elifase+ wa Letemani mo a fetola a re:
2 “Ayitsano motho wa go hlalefa mo a fetola o nyoko bolabola tsa go fo tikela ku?
Ayitsano o nyoko fo tlatsa mpa yage ka moya wa go tšwa bohlabela?
3 Go wolola ka mantsu a di re selo,
Fote go fo bolabola a di gelepe ka selo.
4 Ka gore wene o tseyela fase taba ya go hlompa Modimo,
Fote o maka gore batho ba sa yisi felo ka Modimo.
5 O bolabola ka mokgo ka taba la tso o kekemisiyeng ga tsona,
Fote o kgeta go berekisa mantsu ya go hlalefetsa mo o bolabola.
6 A yi nna ke šupetsang gore o na le molato, ke tso wene mong o di hlayang;
Molomo wago ke wona wo go ganetsang.+
7 Anthe ke wene motho wa mathomo wa go belegiwa,
Kela o belegiwwe go soko ba le memmoto?
8 Ayitsano o theetsela diphiri tsa Modimo,
Kela ke wene fela wa go hlalefa?
9 King tso o di tšibang tsa gore rune a re di tšibi?+
King tso o di kwisisang tsa gore rune a re di kwisisi?
10 Ho gare ga rune go na le batho ba gore ba šele ba gudiye le ba gore ba na le dimpu,+
Banna ba gore ba feta papago kgole.
11 Gale o galala tso Modimo a go kgomoletsang ka tsona,
Kela mantsu ya gabutši ya ba go botsang wona?
12 Ke ntaba o na le magetla fote o šitega go titshwara,
Ke ntaba o re lebelela o kwatiye?
13 Ka gore o kwatela Modimo ka boyene,
Fote o lisetsa mantsu ya mošaga wone ma tšwa ka molomong wago.
14 Ayitsano motho a ka tseyiwa a yediye,
Ayitsano motho wa gore o belegiye ke mosadi a ka tseyiwa a lukiye?+
15 Le mangeloyi yage ya go hlawolega aa ma tshepe,
Fote le magedimo a maa yela mahlong gage.+
16 Byalo a ka mo tshepa byang motho wa gore wa silikisa wa gore o fo maka dilo tsa go sa loka,+
Motho wa gore o nabela go maka dilo tsa go befa go tshwana le motho wa gore o wonngwe meetši!
17 Ke nyoko go botsa; wene o ntheetsele!
Ke nyoko bolabola ka tso ke di bonneng,
18 Dilo tsa gore banna ba go hlalefa ba di butsiye ke bopapa ba bona,+
Dilo tsa gore a baa ba wutetsela tsona.
19 Ke bona ba ntoši ba gore ba ba neyye naga,
Fote a go na motho wa gore a ba mo tšibi wa gore o fitiye mone ga bona.
20 Motho wa pelo ye phifadu wa gore fote o gatelela ba bangwana, o nyoko hlupega lephelo lage ka mokana ga lona,
O nyoko ba le mathatha lephelo lage ka mokana ga lona.
21 O fo dula a kwa medumo ya go tshosa;+
Ka nako ya mo go bebiye, yene o hlasela ke ditsotsi.
22 Aa tshepe gore o nyoko phona letshwifing;+
O yemele ke sabola.
23 O yinghayingha a nyakana le tsa go ja,* a re: Di kaye?
O di tšiba gabutši gore letšatši la gore a tlele ke tsa go sasamela le ho thina.
24 Go kgongwela le mathatha di fo dula di mo tshosanya;
Di nyoko ya mahlong di mo tshosanya go tshwana le kgoši ya go ba le matšhika ya gore yi tikemisele go hlasela.
25 O yemisa letsogo lage gore a tshosetse Modimo
O liketsa go hlula Ye wa Matšhika ka Moka;
26 O tabogela ku Gage ka tšhinghi,
A tshwere legawu lage le lekoto la gore fote le tiyye;
27 Sefahlego sage se nonne,
Fote dimpa tsage ke tse dikgolo;
28 O dula mitšing ya gore go nyoko fela ka yona,
Dintlong tsa gore go ka sa duli motho,
Tsa gore di nyoko fetoga dindhundhuma tsa matlapa.
29 A ka sa ghanye, dilo tso a nang natso di ka sa tlale,
Fote dilo tsage di ka sa sabalale mone nageng.
30 A ka sa ro phona mo a tlela ke tsa go sasamela;
Mollo wo nyoko maka gore lekala lage le wome,
31 A di nyake a keketlela a boya a tshepa dilo tsa gore a di re selo,
Ka taba la gore a ka sa kraye selo;
32 Di nyoko mo makegela go se botala,
Fote makala yage ma ka sa ro hluga.+
33 Go nyoko ba nkare ke modhriva wa go wulusa didhriva tsa tala,
Fote go nyoko ba nkare ke mohlare wa moolivi wa gore wo hluhlura mabhlomu ya wona.
34 Ka gore mogoba wa batho ba go sa loka* a wo belege,+
Fote mollo wo nyoko tšhubanya matente ya bo ba go nyaka go dhiziwa.
35 Ba nagana dilo tsa go sa loka fote ba dula ba maka tsa go kwaletsa ba bangwana,
Dipelo tsa bona di polana dilo tsa matsaka.”