Jobo
30 “Gana byalo baa ntshega+
—Ke tshega ke banna ba gore ke ba banyana gaka,
Ba gore bopapa ba bona ne ke sa ba tseyi ba ka kgona selo
Go gelepa dimpsya gore di pasope dinku tsaka.
2 Matšhika ya bona ne ma nyoko n’gelepa ka ying?
Matšato ya bona ma fediye.
3 Ba hlagele ka taba la gore baa gayela fote ba kwa tlala;
Ba ja tso di šeleng ga mobu wa gore wo womme
Ga poleke ya gore ke mo yi šele yi sinyegiye fote go se na selo.
4 Ba kga matlakala ya go ba le letswayi ku mašahleng;
Tsa go ja tsa bona ke midu ya mehlare ya mašahleng.
5 Ba ba raka mo ba dulang gona;+
Batho ba ba rasela go tshwana le mo ba rasela motho wa go yetswa.
6 Ba dula meyeding,
Ka teng ga mekoti le matlapeng.
7 Ba lla ba le ku mašahleng
Fote ba mamarelanne hala ga dimilane tsa go lefa.
8 Ba ba rakiye hone nageng
Ka gore ke barwayi ba bo ba gore dihlogo tsa bona a di bereke le ba gore a ba tšibegi.
11 Ka taba la gore Modimo o makiye gore ke lelemele a boya a nnyanafatsa,
Ba fo hlaya tso ba di nyakang ka nna.
12 Ba timaka megoba gore ba thogo nhlasela ka letsogong laka la go ja;
Ba maka gore ke tšhabe
Ba tilukiselela go fetsa ka nna.
13 Ba sinyanya mo ke sepelang gona
Ba yeketsa dilo tso di mmakegelang tsa go sasamela,+
Ba maka tsotsone ba sa gelepe ke motho.
14 Ba tla nkare ba kena ka mo lepharo le tšharugiyeng;
Ba fo kena le mo go na le sedingwane.
15 Ke tšhugiye ka matla;
Serithi saka se nyamalele go tshwana le lerole la gore le rwala ke moya,
Fote go phonisiwa gaka go nyamalala go tshwana le liru.
18 Kobo yaka yi gogegiye ka matla;
Yi nkgama go tshwana le tlelapo* ya kobo yaka.
19 Modimo o nlahlele marageng;
Ke f’lo šala ke le lerole le luta.
20 Ke ya go llela gore o n’gelepe, mara a o mfetole;+
Ke yema mahlong gago, mara o fo ntibelela.
21 O njikele go baba;+
O nhlasela ka matšhika yago ka mokana ga wona.
22 Go fo ba nkare o nkakodiye, wa nrwala ka moya;
Ke mokane wa n’yisa ku le ku gare ga sedingwane.
23 Ka gore ke ya di tšiba gore o nyoko maka gore ke kgwe,
Wa n’yisa ga ntlo ya gore bo ba phelang ka mokana ga bona ba ye gahlana gona.
24 Mara a go na motho wa gore a ka teya ye wa gore aa na wa go mo gelepa+
Mo a llela gore ba mo gelepe mo a tlele ke tsa go sasamela.
25 Anthe bo ba gore ba tlele ke tsa go baba a ke ya ba llela?
A ke ya llela bo ba go tihlupegela?+
26 Le mo nkare ne ke tshepa gore go nyoko makega tsa gabutši, go makegiye tsa go befa;
Ne ke yemele gore go khanye, mara gwa fo fifala.
27 Pelo yaka ya baba;
Matšatši ya mohlupego ma nkrayye.
28 Ke sepela ke f’lo re ghoo,+ a go khanye.
Mo go na le mogoba wa batho, ke ya tlogamela ke kgopela gore ba n’gelepe.
30 Letlalo laka le fifele fote le matlulugiye;+
Mašapo yaka ma kwa go fisa.
31 Harepa yaka yi berekisiwa mo go lliwa fela,
Fote flutu yaka ba yi berekisa go maka modumo wa mo batho ba lla.