Jobo
39 “Ayitsano wa yi tšiba nako yo dipudi tsa thabeng di tswalang ka yona?+
Ayitsano o yye wa bona matlabo mo ma tswala?+
2 Ayitsano o balela dikgwedi tsa mo di bapola?
Ayitsano wa di tšiba gore di tswala neng?
3 Di ya kokobala mo di tswala,
Fote a di sa ba le lešoko.
4 Bana ba tsona baa tiyelela ba gola ga poleke ya gore yi fo ba lekgwaying;
Baa tloga ba sa sa boyela ga bommane ba tsona.
5 Ke mang ye a lokollang bhongholo ya hlaga,+
Fote ke mang ye a tlemolliyeng dithapo tsa gore ne di tlemme pitsi?*
6 Ke makiye gore yi dule polekeng ya kgwaakgwa ya gore yi fo ba lekgwaying
Fote yi dula nageng ya gore yi na le letswayi.
7 A yi kwane le lešata la mutšing;
A yi kwe lentsu la ye a makang gore yi bereke.
8 Yi sepela-sepela memmotong yi nyaka dimilane,
Yi nyakana le semilane se sengwana le se sengwana se setala.
9 Ayitsano nare ya phoolo yi tikemisele go go berekela?+
Ayitsano yi nyoko fetsa bošego ka moka yi le lešakeng lago?
10 Ayitsano o ka tlema nare ya phoolo ka dithapo gore yi go limele,
Kela yi nyoko ya nago moyeding gore yi lime?
11 Ayitsano o nyoko tshepa matšhika ya yona ya magolo
Wa yi lisetsa gore yi go makele mmereko wa go roba?
12 Ayitsano o nyoko tshepela ga yona gore yi leye tso o di bunneng,
Ayitsano yi nyoko di kgobaketsela hala ga gore o tulela gona?
13 Mphu* yi teyateya mafafela ya yona yi jabodiye,
Mara ayitsano mafafela ya yona re ka ma tshwanisa le ya kenudi?*+
14 Ka gore yi šiya makata ya yona mo fase,
Fote yi maka gore ma dule ma belabela santeng.
15 Ya libala gore mawoto ya mangwana ma ka ma pshyayanya
Kela gore phoolwane ya hlaga yi ka ma gatela.
16 Yi tshwara barwayi ba yona bošidi tsa nkare a yi ba yona;+
A yi tšhabe gore yi ka fo ba yi phaphašele mahala.
17 Ka gore Modimo o makiye gore yi sa hlalefe
Fote a maka gore yi sa kwisisi.
18 Mara mo yi tlogamela yi phurulla mafafela ya yona gore yi thogo taboga,
Yi tshega pera le ye a yi kalammeng.
19 Anthe ke wene o neyang pera matšhika ya yona?+
Ke wene o yi yapesang moriri wa mo molaleng?
20 Ayitsano o ka maka gore yi tshilatshile go tshwana le tšiya?
Modumo wo yi wo ntshang ka dinko wa tshosa.+
21 Yi teya mo fase ka sekoto sa yona ku moyeding ya boya ya jabola ka taba la matšhika ya yona;+
Yi tabogela ntweng.+
22 Yi tshega kotsi fote a yi tšhabe selo.+
A yi sologe ka taba la sabola.
23 Sekhwama sa manopa ya mosefo se ya šikinyega ka mo mathoko sa maka modumo,
Fote lerumo lage le ya gadima mo pera yi kene yi taboga.
24 Yi tabogela ku mahlong yi kene yi hlagasela ka taba la go jabola,
A yi kgone go yemisega mo yi kwa modumo wa phalafala.
25 Mo yi kwa modumo wa phalafala yi re, ‘Agaa!’
Yi nkgelela ntwa yi le kgole
Fote yi kwa mo bo ba go yeta mahlong ba yahlamela le lešata la ntwa.+
26 Ayitsano ke wene o tšhutisiyeng lewubawubane go phurrwa,
Ke wene wa go le tšhutisa gore le phurrwe le ye borwa?
27 Ayitsano kgwenyepi* yi phurrwa yi ya ku gedimo ka taba la gore go hlayye wene+
Fote ya yaga sehlagela sa yona ku malenghelengheng,+
28 Ya fetsa bošego ka mokana ga byona yi le lewopeng,
Yi duli ga poleke ya yona ga gore go pasopegiye mafelelong ga letlapa?
29 Mo yi tloga mone yi nyakana le tsa go ja;+
Maahlo ya yona ma bona ku kgole.
30 Mafotwane ya yona ma nwa madi;
Mo go nang le ditopo, le gana hone.”+