Jobo
9 Mo Jobo a fetola a re:
2 “Gabutšibutši ke ya di tšiba gore di ka mokgonone.
Motho a ka hlaya byang mara gore o lukiye mahlong ga Modimo?+
3 Mo ye mongwana a nabela go phigisana Naye,*+
Ga sekiti sa diputsiso tsage, motho yene a ka sa kgone go fetola le ka yyoši.
4 O hlalefiye ka matla fote o na le matšhika.+
Ke mang ye a ka mo ganetsang a šala a sa kwalela?+
5 Yene o tlosa dithaba go sa tšibi motho;
Wa di phendulanya mo a kwatiye.
6 O maka gore lefase le tekateke,
Gore dikholomo tsa lona di hlagasele.+
7 O botsa letšatši gore le sa khanye
Fote o tšhira go khanya ga dinanedi;+
8 Yene mong o yatlala magedimo,+
Fote o sepela gedimo ga maphoto ya lewatle.+
9 O makiye megoba ya dinanedi yo ba reng ke Aša, Khesili le Khima,+
A maka le mogoba wa dinanedi tsa ka borwa;
10 O maka dilo tse dikgolo tsa gore motho a ka sa kgone go di kwisisa,+
Dilo tsa go makatsa tsa gore motho a ka sa kgone go di balela.+
11 O feta ho thina gaka, fote a ke kgone go mmona;
O feta ho thina gaka, mara a ke boni gore ke yene.
12 Mo a kgufula se sengwana, ke mang a ka mo ganetsang?
Ke mang a ka reng gage, ‘O maka ying?’+
13 Modimo o kwatiye ka matla fote a ka sa phohle;+
Le mong bo ba gelepang Rahaba*+ ba nyoko thinyela Modimo letolo.
14 Byalo di nyaka ke mo hlompa ka matla mo ke fetola
Di nyaka ke kgete mantsu gabutši mo nkare ke nyoko phigisana naye!
15 Le hala ke se na molato ne nka sa mo fetole.+
Ne ke nyoko fo kgopela ye a n’yahlulang gore a nkwele go baba.
16 Mo nka mo yahlamela, ayitsano o nyoko mfetola?
A ke tshepi gore o nyoko theetsela lentsu laka,
17 Ka gore o mpsyitlanya ka tsa go sasamela tsa go tshwana le sedingwane
A boya a yeketsa mehlupego yaka ke sa maka selo.+
18 Aa nkhutsisi;
O fo ya mahlong a yeketsa mathatha yaka.
19 Mo re bolabola ka taba ya go ba le matšhika, Modimo ke yene wa go ba le matšhika.+
Mo re bolabola ka taba ya go yahlula gabutši, yene o re: ‘Ke mang ye a ka reng ke na le molato?’
20 Le hala ke se na molato, nna beng ne ke nyoko tipona ke na le molato;
Le mo nka ya mahlong ke tshepega,* yene o nyoko re ke na le molato.
21 Le mo nka ya mahlong ke tshepega,* a ke di tšibi gore ke nyoko makegela king;
Ke hloyye lephelo laka.
22 Go fo tshwana. Nka taba lo ke reng,
‘O fetsa ka bo ba go loka go fo tshwana le ka mokgo a fetsang ka bo ba go sa loka.’*
23 Mo mogogola wo ka fo tla ba sa nagana wa bolaya batho ka go yakgoswa,
Yene o nyoko jabola mo bo ba go loka ba sa tapegiye matšhika.
24 Lefase ba le neyye ye wa pelo ye phifadu;+
Yene o kwadiye maahlo ya bo ba le yahlulang.
Mo nkare a yi yene, ke mang byalo?
25 Matšatši yaka ma yakgoswa go phala motho wa go taboga;+
Ma fo feta ke sa bona selo sa gabutši.
26 Ma thelela go tshwana le sekepe sa go makiwa ka mahlaka,
Go fo tshwana le dikgenyepi* mo di thewoga ka go yakgoswa di lata tsa go ja.
27 Mo ke re, ‘Ke nyoko lisetsa go kokola,
Ke nyoko tšhentšha ka sa sa šupetsa gore ke kgongwele fote ka jabola,’
28 Nko ba ke sa tšhugiye ka taba la dilo ka mokana ga tsona tso di nkwisang go baba,+
Fote ke ya tšiba gore wene o ka sa hlaye gore a ke na molato.
29 Ke nyoko ba ke na le molato.
Byalo ke ntaba ke sa fo lisetsa?+
30 Mo nka hlapa ka meetši ya kapoko ya go tologa,
Ka boya ka hlapa matsogo yaka ka meetši ya gore ma na le luta,+
31 Wene o nyoko ntšhela ka teng ga mokoti,
Gore ke šinye ke nyenya le ke dikobo tsaka.
32 Ka gore Modimo a yi motho go tshwana le nna gore nka šinya ke mo fetola,
Gore re ka yisana khota.+
33 A go na motho ye a ka re gahlanisang,
Wa gore go ka ba yene a re yahlulang.
34 Mo a ka lisetsa go nteya
Fote a lisetsa go ntshosanya,+
35 Gona ke nyoko bolabola naye ke sa tšhabe selo,
Ka taba la gore a ke ya di tlwayela tsa go bolabola ke tšhugiye.