Pisalema
74 Ke ntaba o re lahliye go ya go yye,+ barena Modimo?
Ke ntaba o kwatele morape wa gore ke mo o wo disa?+
2 O sa libale batho bago ba gore ke botala o ba hlawodiye,+
Leloko la gore o le lepolliye gore go be lefa lago.+
O sa libale Thaba ya Siyoni ya gore ke mo o dula ga yona.+
3 Ariye ga poleke ya gore go napiye go fela ka yona.+
Lenaba a le ya di tshwara gabutši dilo ka mokana ga tsona tso ne di le ga poleke ya go hlawolega.+
4 Manaba yago ke mo ma yahlamela ma le ka teng ga tempele yago.+
Ma hlomme dilo tsa go šupetsa gore ma hludiye.
5 Ke mo ba tshwana le banna ba gore ba yemisiye dilepe gore ba thogo kupa mehlare ya hlageng.
6 Ba berekisiye dilepe le dilo tsa go makiwa ka tshipi gore ba pshyayanye dilo tso ne ba kgabisiye ka tsona ku tabarenakeleng.+
7 Ba tšhubiye poleke yago ya go hlawolega.+
Ba thilafatsiye tabarenakele ya gore yi na le lebitso lago, ba yi wisela fase.
8 Bona le ditlogolwane tsa bona ba hlayye ka dipelong tsa bona gore:
“Dipoleke tsa mogahlano tsa Modimo ka mokana ga tsona tsa mo nageng di tshwanele di tšhubiwe.”
9 A go sa na so re ka bonang ka sona;
A go sa na moporofeta ye a šeleng,
Fote mo ga rune a go na ye a tšibang gore go nyoko ba ka mokgo go segela neng.
10 Barena Modimo, lenaba le nyoko ya mahlong le go šuhlašuhla go segela neng?+
Ayitsano lenaba le nyoko dhelela lebitso lago go ya go yye?+
11 Ke ntaba o sa wolole letsogo lago la go ja?+
Le ntshe ka teng ga lephuto la kobo yago o fetse ka bona.
12 Mara Modimo ke kgoši yaka go tlugisela botala,
Ke yene ye mogolo wa go phonisa mo lefaseng.+
13 O kgudubiye lewatle o berekisa matšhika yago;+
O pshyayannye dihlogo tsa diphoolwane tsa go tshosa tsa lewatle.
14 O pshyayannye dihlogo tsa dikwena;*
Wa di neya batho gore go be tsa go ja tsa bona, batho ba go dula dipolekeng tsa kgwaakgwa.
15 O budiye mo fase gore didiba le dinooka di yele;+
O makiye gore dinooka tsa gore ke mo di yela di sa yeme, di pshye.+
16 Motshegare le bošego ke tsa gago.
O makiye gore go khanye fote go be le letšatši.+
18 O sa libale tso lenaba ne le go šuhlašuhla ka tsona, wene Jehova,
Le ka mokgo bo ba diphokophoko ne ba sa hlompe lebitso lago ka gona.+
19 O sa lisetsi diphoolwane tsa hlaga di fetsa ka liba lago la hlaga.
Batho bago ba gore di ba kgahleletsiye o sa ba libale go ya go yye.
20 O sa libale kwano ya gore o yi makiye le rune,
Ka gore dipoleke tsa gore di letshwifing tsa lefaseng di tlele ka dipoleke tso go dulang batho ba go kwana le bokgohlane.
21 O sa lisetsi bo ba gore ba psyitlanyiwwe ba sologa ba tšebiye;+
Nkare bo ba gore di ba kgahleletsiye le bo ba go tihlupegela ba ka thanaka lebitso lago.+
22 Tlogamela barena Modimo, o bone gore go makega tsa go loka.
O sa libale ka mokgo bo ba diphokophoko ba go šuhlašuhlang ka gona letšatši ka mokana ga lona.+
23 O sa libale tso di hlayang ke manaba yago.
Lešata la bo ba go go phigisa le fo ya mahlong le yinuga.