Jesaya
17 Ke wowa molayetsa wa dilo tsa go sasamela tso di nyoko makegelang Damasekhase:+
“Damasekhase go ka sa sa ba mutši,
Fote go nyoko fo ba ndhundhuma ya dithila.+
2 Mitši ya Arore+ ba ka sa sa dula ga yona;
Go nyoko ba poleke ya gore merape yi yetsela gona
Go ka sa be le motho wa go yi tshosanya.
3 Mitši ya gore yi pasopegiye ya Eforayimi+ yi nyoko nyamalala,
Le mmušo wa Damasekhase;+
Masiriya ma ka sa sa hlompiwa
Go fo tshwana le Maisrayele,”* go hlaya Jehova.
4 “Ka letšatši lolone, Jakobo a ka sa sa hlompiwa,
Fote le mmele wage wa gore ne wo philegiye wo nyoko šigama.
5 Batho ba Jakobo ba nyoko tshwana le mabele ya manyana,
Ya ma šaleleng bo ba go hlokotša tso di šeleng ka nthago ga go buna
Ku mašomong ya Moyedi wa Refayime.+
6 Go nyoko šala tsa go fo hlokotša,
Go tshwana le tso di šalang mo ba wolosa mohlare wa diolivi;
Go fo šala diolivi ka dipedi kela kararo ya tsona tsa go butšwa lekaleng la ku malenghelengheng,
Go fo ba le kanne kela kapheta ya tsona hala ga lekala la gore le dula le yengwa,”+ go hlaya Jehova Modimo wa Israyele.
7 Ka letšatši lolone, motho o nyoko nyaka gore ye a mo Makiyeng a mo gelepe, fote o nyoko tshepela ga Ye wa go Hlawolega wa Israyele. 8 A ka sa sa tshepela ga dialetare,+ ga dilo tso a di makiyeng ka matsogo yage;+ le ga dilo tso a di makiyeng ka menwana yage, fote a ka sa sa tshepela ga diphate tsa go hlawolega* kela dialetare tsa go tšhuba tsa go nkgela.
9 Ka letšatši lolone, mitši yage ya gore yi tiyisiwwe yi nyoko tshwana le poleke ya gore a go duli batho ya ku mašahleng,+
Go tshwana le lekala la gore ba le lahliye mahlong ga Maisrayele;
Yi nyoko ba mašupi.
10 Ka gore o libele Modimo+ ye a go phonisiyeng;
O šitegiye go gopola Letlapa+ la gore le ya go tiyisa.
Ka taba la gore ke mo o tshwaraganne ka go gaša dimilane tsa go bafala
Tsa gore di tšwa ga lekala la motho wa gore a o mo tšibi.
11 Motshegare, wene o yagelela dilo tso o di gašiyeng,
Ka bošego, o maka gore pewu yago yi thunye,
Mara o ka sa buni ka taba la gore o ko ba o lwala ka matla, fote o na le sehlabi sa go sa yalafege.+
12 Batho ba go tlala ba hlakahlakanne,
Ba bidiye go tshwana le mawatle ya gore ma kwatiye!
Ditšhaba di ya yahlamela,
Fote modumo wa tsona wo tshwana le modumo wa maphoto ya magolo ya lewatle!
13 Ditšhaba di nyoko maka modumo wa go tshwana le maphoto ya go tlala ya lewatle.
Modimo o nyoko ba lakatsa, fote ba nyoko napa ba tšhaba ba ya ku kgole,
Ba nyoko tšhaba go tshwana le mo mooko* wo rwala ke moya dithabeng,
Ba nyoko tšhaba go tshwana le mo ngwere wa go womelela wo tseya ke sedingwane.
14 Ka malobana go ko ba go na le dilo tsa go sasamela.
Mo bo soko sa, manaba ma ko ba ma sa sa le šiyo.
Tsowa ke tso di nyoko makegelang bo ba re hlaselang
Le bo ba gore ba tseya dilo tsa rune ka tšhinghi.