Jesaya
29 “Ariyele* yi ko tikweleng, Ariyele, mutši wa gore Dafita o yagiye matente ga wona!+
Ariyeneng mahlong le maka monyanya mongwaga wo mongwana le wo mongwana;
Ariyeneng mahlong le maka monyanya+ ka go lategetsana.
2 Mara ke nyoko leyela batho ba Ariyele+ dilo tsa go sasamela,
Ba nyoko kgongwela ba boya ba lla,+
Ke mokane Ariyele ho gaka yi nyoko tshwana le aletare ya Modimo.+
3 Ke nyoko hloma matente ma go dukulugele mahlaya ka mokana ga wona gore ke lwe nago,
Fote ke nyoko go dukulugela ka go hloma mabalelo
Ka boya ka maka ndhundhuma gore ke thogo go hlasela.+
4 O nyoko bošediwa fase;
Wa bolabola o le gana hone,
Fote tso o di bolabolang di ka sa kwagale ka taba la lerole
Lentsu lago le nyoko kwagala gana hone leroleng.+
Go tshwana le lentsu la bo ba masalamose,
Mantsu yago ma nyoko tshwana le ya mo motho a sebaseba a le leroleng.
5 Mogoba wa manaba yago* wo nyoko tshwana le lerole,+
Mogoba wa bo ba go gatelela ba bangwana wo nyoko tshwana le mabyang ya go tseya ke moya.+
Fote di nyoko makega ka go yakgoswa.+
6 Jehova wa masole o nyoko go pasopa
A berekisa leduma, go tekateka ga lefase le modumo wo mogolo,
Le moya wo mogolo le sedingwane se segolo le mollo wa go gagara.”+
7 Byalo mogoba wa ditšhaba ka mokana ga tsona tsa gore di lwa le Ariyele+
—Batho ka mokana ga bona ba gore baa mo hlasela,
Mitšhini ya ntwa ya gore ba nyoko mo hlasela ka yona,
Le bo ba mo hlupegisang—
Wo nyoko fo tshwana le mo motho a lora bošego.
8 Go fo tshwana le mo motho a yetsela a kwa tlala ke mokane a lora a ja,
Mara a tsoga a tshwere ke tlala,
Le mo motho wa gore o wonngwe meetši a lora a nwa meetši,
Mara mo a tsoga a fo tikraya a tinnwe fote a wonngwe.
Tsotsone di nyoko makega ga mogoba wa ditšhaba ka moka
Wa gore wo hlasela Thaba ya Siyoni.+
Baa tlayila, mara a baa nwa wayini;
Baa tshetsha mara a ba make ke mokgete.
10 Ka gore Jehova o makiye gore le ye ka boroko;+
O makiye gore baporofeta ba popele maahlo,+
O kogele dihlogo tsa bo ba go bona mmono.+
11 Mmono wo mongwana le wo mongwana gago wo nyoko tshwana le mantsu ya lengwalo la go phutiwa la gore ba le konopele.+ Mo ba le neya motho wa gore o kgona go bala, ba mmotsa gore: “Re kgopela o le balele gedimo,” yene o nyoko re: “Nka sa kgone, ka gore ba le konopele.” 12 Mara mo ba tseya lengwalo lela ba le neya motho wa gore aa kgone go bala ba re: “Re kgopela o le bale,” yene o nyoko re: “A ke di kgone tsa go bala.”
13 Jehova o re: “Batho bowa ba nrapela ka molomo
Fote batho bowa ba nthanaka ka melomo ya bona,+
Mara dipelo tsa bona di mong kgole le nna;
Ba fo nhlompa ka taba la melawo yo ba yi tšhutisang ke batho.+
14 Ke nna ye a nyoko makang dilo tsa go makatsa fote ga batho bowa,+
Tsa go makatsa ka nthago ga tsa go makatsa;
Banna ba gore ba hlalefiye ke nyoko maka gore go be diphokophoko,
Fote banna ba gore ba hlalefiye ba ka sa sa kwisisa selo.”+
15 Bo ba gore ba maka so ba ka se kgonang gore ba wutetsele Jehova dipolane tsa bona ba ko tikweleng.+
Dilo tsa bona ba di makela letshwifing,
Ba kene ba re: “Re bona ke mang?
Ke mang a tšibang tso re di makang?”+
16 A le nagane gabutši wa tšiba!
Ayitsano motho wa go bereka ka botsopa di nyaka le mo tseye go tshwana le botsopa?+
Ayitsano selo so se makiwweng se ka hlaya ka ye a se makiyeng sa re:
“Nna a ke ya maka ke yene”?+
Ayitsano selo so ba se makiyeng se ka hlaya ka ye a se makiyeng sa re:
“Motho ye aa tšibi so a se makang”?+
17 Ka senakonyana, Lebhanoni ba nyoko yi tšhentšha gwa ba poleke ya go ba le mehlare ya go yengwa,+
Fote poleke yone ya go ba le mehlare ya go yengwa ba nyoko yi tseya go le mašahla.+
18 Ka letšatši lone, bo ba go sa kwe ba nyoko kwa mantsu ya puku yone,
Fote bo ba go popela maahlo ba nyoko tšwa letshwifing, ba nyoko bona fote.+
19 Bo ba go loka ba nyoko jabola ka matla ka taba la Jehova,
Fote batho ba go tihlupegela ba nyoko jabola ka taba la Ye wa go Hlawolega wa Israyele.+
20 Ka gore ye wa go gatelela ba bangwana o ko ba a sa sa le šiyo,
Ye wa go ba le magetla go nyoko fela ka yene,
Ka mokana ga bona ba gore ba dula ba ramele go maka dilo tsa go sa loka go nyoko fela ka bona,+
21 Bo ba go hlayela ba bangwana matsaka, ba go yahlula ba bangwana gore ba na le molato,
Ba gore ba beyela bo ba go yema le taba molabo ku gheyiting ya mutši,+
Ba gore ba fo jabodisa ke go gana go yahlula bo ba go tilokela gabutši mara ba sa tšibi gore ba ganela ying.+
22 Byalo tsowa ke tso di hlayang ke Jehova wa gore o hlawodiye Abhrahama,+ o re ga ntlo ya Jakobo:
23 Ka gore mo a bona bana bage,
Ba gore ke ro ba maka ka matsogo yaka mone gare gage,+
Ba nyoko thanaka lebitso laka;
Eya, ba nyoko thanaka Ye wa go Hlawolega wa Jakobo,
Fote ba nyoko yema ba yahlamme ka taba la Modimo wa Israyele.+
24 Bo ba go keketlela ba nyoko nyaka go kwisisa,
Fote bo ba go kokola ba nyoko theetsela mo ba ba yetetsa.”