Jesaya
38 Ka matšatši yane, Hezekiya a thomisa go lwala tsela tsa nkare wa kgwa.+ Ke mokane Jesaya wa go porofeta+ wa gore fote ke morwayi wa Amozi a tla gage a segela a mmotsa gore, “Tsowa ke tso Jehova a di hlayang: ‘Neya ba mutši wago molawo ka taba la gore o ka sa fole ga bolwele byowa; o nyoko kgwa.’”+ 2 Mo a reyane, Hezekiya a jika a lebelela lepharo ke mokane a thomisa go rapela Jehova a re: 3 “Barena Jehova ke ya go kgopela, o sa libale+ ka mokgo ke yyeng ka go berekela nkene ke tshepega fote ke maka ka mokgonone ka pelo yaka yi felegelele,+ fote ke makiye dilo tsa go loka mahlong gago.” Ke mokane Hezekiya a thomisa go lla ka sethaga.
4 Byalo Jehova a re ga Jesaya: 5 “Boyela nthago o segele o botse Hezekiya+ gore, ‘Tsowa ke tso Jehova Modimo wa Dafita kokwane wago a di hlayang: “Ke yi kwile thapelo yago.+ Fote ke di bonne mo o lla.+ Ke nyoko go yeketsela ka 15 ya mengwaga ya go phela+ 6 fote ke nyoko go phonisa ke boye ke phonise mutši wowa ga kgoši ya Asiriya, ke nyoko lwela mutši wowa.+ 7 Wowa ke mošupetso wa go tšwa ga Jehova wa gore o nyoko go šupetsa gore yene mong Jehova o nyoko di maka byang tso a di hlayyeng:+ 8 Ke nyoko maka gore serithi sa gore se mone ditepising tsa Ahazi se boyele nthago ka lesome la magata.”’”+ Fote serithi sone sa boyela nthago ka gonyana ka gonyana ka lesome la magata.
9 Tsowa ke tso Kgoši Hezekiya wa Juda a di ngwadiyeng ka nthago ga gore a lwale a boye a fole.
10 Ke yitseri: “Mo ke soko bane ke tsofala
Ke tshwanele ke kene ga digheyiti tsa Lebitla.*
Ke mokane go nyoko fela ka lephelo laka.”
11 Ke hlayye gore: “Nka sa mmoni ga Jah,* Jah wa gore o ga naga ya batho bo ba phelang.+
Ba ko ba ba se šiyo batho bo ke ba lebelelang,
Nko ba ke na le bo ba leng ga poleke ya gore a go na wa go dula ga yona, ka taba la gore le nna nko ba ke le gare ga batho ba gore ba kgwile.
12 Mo ke dulang gona ba go gogannye ke mokane ba go tlosanya+
Tsa nkare ke letente la motho wa go disa.
Ke phutaphutiye lephelo laka nkare go ro ba nna motho wa go roka mo a phutaphuta malapi;
O nkupa nkare go ro ba nna gare yo ba rokeleleng llapi.
Wene o dulela go liketsa go fetsa ka nna go tlugisela ka bošego go segela ka malobana.+
13 Ka tikgomoletsa go segela ka bošego.
Yene o dulele go roba mašapo yaka ka mokana ga wona, go fo tshwana le tawu;
Go tlugisela ka bošego go segela ka malobana, wene o dulele go nleyela dilo tsa go sasamela.+
Ke tinnwe go yemela Modimo gore a n’gelepe:+
‘Barena Jehova, ke kwa go baba ka matla;
Ke kgopela o nthege!’+
15 Anthe nka re king mara?
O bolabodiye le nna a boya a maka se sengwana.
Ke nyoko dula ke tinyanafatsiye lephelo laka ka mokana ga lona
Ka taba la dilo tsa go sasamela tso di ntleleng.
16 Barena Jehova, ka dilo tsowa* motho ye mongwana le ye mongwana wa phela,
Fote ke tsona di lawolang lephelo laka.
O nyoko maka gore ke fole fote wa mphidisa.+
17 Mo go tshwanele go bebe, nna ke krayye tsa go sasamela;
Mara ka taba la gore wene o nnyakiye ka matla,
O makiye gore ke sa yi mokoting wa likgu.+
O sudiye dilo ka mokana ga tsona tso ke di sinnyeng mahlong gago.+
Bo ba gore ba ya mokoting ba ka sa sa bona go tshepega gago.+
19 Bo ba gore baa phela, ba kgona go go thanaka,
Go fo tshwana le mo le nna ke kgona go go thanaka lekgono.
Le papa a ka kgona go botsa barwayi bage ka go tshepega gago.+
20 Mphonise barena Jehova,
Re nyoko dula re kgana dikoša tsaka ka tsa go kgana dikoša tsa go ba le motato+
Lephelo la rune ka moka ku ntlong ya Jehova.’”+
21 Ke mokane Jesaya a re: “Leyaneng khekhe ya mago ya gore ba ma womisiye, ke mokane le mo tšhele mone sethogong gore a thogo fola.”+ 22 Hezekiya a butsisa gore: “Ayitsano go na le mošupetso wa go šupetsa gore ke nyoko ya ntlong ya Jehova?”+