Jeremiya

52 Zedekiya+ ne a na le 21 ya mengwaga mo a ba kgoši, fote o fetsiye 11 ya mengwaga a lawola Jerusalema. Lebitso la mmane wage ne go le Hamutale+ morwediya wa Jeremiya wa Libhna. 2 O f’lo ya mahlong a maka dilo tsa go sa loka mahlong ga Jehova, o makiye dilo ka mokana ga tsona tso Jehoyakimi a di makiyeng.+ 3 Dilo tso di makegiyeng Jerusalema le Juda di makegiye ka taba la gore Jehova ne a kwatiye, ke mo a nyaka go ba tlosa mahlong gage.+ Byalo Zedekiya a jikela kgoši ya Bhabhilona.+ 4 Ka mongwaga wa nkokwane wa mo go lawola Zedekiya, ka kgwedi ya lesome, ka letšatši la lesome la kgwedi yone, Kgoši Nebhukhadhinezara* wa Bhabhilona o tlile le masole yage ka mokana ga wona gore ba tl’le lwa le Jerusalema. Ba hloma matente ba boya ba yaga le lepharo la go yi dukulugela.+ 5 Fote ba dukulugele mutši wone go segela ka mongwaga wa bo 11 wa mo go lawola Kgoši Zedekiya.

6 Ka kgwedi ya kanne, ka letšatši la nkokwane la kgwedi yonone,+ ke mo go na le tlala ye kgolo mone mutšing fote batho ke mo ba se na tsa go ja mone nageng.+ 7 Ba feleletsiye ba wisiye lepharo la mutši wone, fote masole ka moka ma tšhaba mone mutšing bošego ba tšwa ka gheyiti ya gore yi gare ga mapharo ka mabedi ya thina le nghadi ya kgoši, mo Makhaladiya ma kene ma dukulugele mutši wone; masole yane ma ya mahlong ka tsela ya Arabha.+ 8 Mara masole ya Makhaladiya ma lelekisa kgoši Zedekiya,+ ma mo tshwara ku polekeng ya kgwaakgwa ya Jerikho, fote masole yage ka moka ke mo ma tšhabiye ma mo šiyye. 9 Ke mokane ba tshwara kgoši ba yi yisa ga kgoši ya Bhabhilona ku Ribhla nageng ya Hamathe, ke mokane yona ya mo ghweba. 10 Fote kgoši ya Bhabhilona ya bolaya barwayi ba Zedekiya a kene a lebelele, fote yi bolayye le dindhuna ka moka tsa Juda hala Ribhla. 11 Ke mokane kgoši ya Bhabhilona ya popetsa Zedekiya maahlo,+ ya mo tlema ka diketane tsa koporo, ya mo yisa Bhabhilona, ke mokane ya mo tšhela jele go segela ka letšatši lo a kgwileng ka lona.

12 Ka kgwedi ya kapheta, ka letšatši la lesome la kgwedi yone, ka mongwaga wa bo 19 wa mo Kgoši Nebhukhadhinezara* kgoši ya Bhabhilona a lawola, Nebhuzaradane wa gore ne go le ndhuna ya masole fote go le lelata la kgoši ya Bhabhilona, a tla Jerusalema.+ 13 O tšhubiye ntlo ya Jehova,+ ntlo ya kgoši le dintlo tsa Jerusalema ka mokana ga tsona, a tšhuba le dintlo ka mokana ga tsona tse dikgolo. 14 Fote masole ka mokana ga wona ya Makhaladiya ya gore ke mo ma na le ndhuna ya masole+ ma wisiye mapharo ya ne ma dukulugele Jerusalema.

15 Nebhuzaradane wa gore ke ndhuna ya masole a tseya ba bangwana ba gore ba tihlupegela a ba yisa bobhantiting le batho bo ne ba šele hone mutšing. O tseyye le ba bangwana ba gore ba tšhabele ga kgoši ya Bhabhilona le ba bangwana ba gore ne ba šele ba gore ne go le digele ga mmereko wa bona.+ 16 Mara Nebhuzaradane wa gore ke ndhuna ya masole a šiya ba bangwana ba go tihlupegela ka matla mone nageng gore ba bereke mašomong ya didhriva, a maka le gore ba bereke ka tšhinghi.+

17 Fote Makhaladiya ma pshyayanya dikholomo tsa koporo+ tsa ntlo ya Jehova gwa šala go le ditlopotlopo, dikotšikara+ le Ledhamo la koporo+ tsa gore ne di le ka ntlong ya Jehova, fote ba tseya koporo ka mokana ga yona ba ya nayo Bhabhilona.+ 18 Ba tseya dipikiri, difošolo, tsa go tima malampa, ditša tsa motšiti,+ dikomitši+ le dilo ka moka tsa koporo tsa gore ne ba di berekisa ka tempeleng. 19 Ndhuna ya masole ya tseya tsa go hlapela matsogo ga tsona,+ dipane tsa go rwala magala, ditša tsa motšiti, dipikiri, ditšhubampara,+ dikomitši le ditša tsa motšiti tsa gore ba di makiye ka gholdi ya mannete le silva ya mannete.+ 20 Ke mo di sa kgonege go kala koporo yo ba yi berekisiyeng go maka dikholomo tsela ka dipedi, Ledhamo, 12 ya dikgomu+ tsa gore ne di le ka tlase ga Ledhamo tsa gore ne di makiwwe ka koporo le dikotšikara tsa gore Kgoši Solomoni ke mo a di makele ntlo ya Jehova.

21 Ga dikholomo tsela, kholomo ka yyoši ke mo go le 18 ya dikhyubhiti* go ya gedimo, thapo ya go meta ka yona ya 12 ya dikhyubhiti ke mo yi ka kgona go yi tantetsa;+ ka bokoto ke mo yi lekana le kanne ya dinwana,* fote ke mo yi na le mokoti. 22 Mone ga yona ne go na le sa go kgabisa sa gore se makiwwe ka koporo; fote sa go kgabisa ka ssoši ke mo go le kapheta ya dikhyubhiti;+ fote diketane tse dinyana tsa gore ba di logiye go tshwana le thapo le magarenate ya go dukulugela tsa go kgabisa, le tsona ke mo di makiwwe ka koporo. Le kholomo yowa ya mabedi yi makiwwe go tshwana nayo, le magarenate. 23 Ke mo go na le 96 ya magarenate ka mo mathoko; mo ma felele ke mo go na le 100 ya magarenate ga ketane yone.+

24 Ndhuna ya masole ya tseya Seraya+ wa gore ke ndhuna ya maprista, Zefaniya+ wa gore ke moprista wa mabedi le kararo ya bomatšinghelane.+ 25 Fote mone mutšing a tseya ka wwoši wa go berekela mutši wa kgoši wa gore ne go le ndhuna ya masole, kašupa ya banna ba gore ke mo ba kwana ka matla le kgoši ba gana hone mutšing, mabhalane wa ndhuna ya masole le ye ne a hlekeletsa batho ba hone mutšing, le 60 ya banna ba gore ba tšwa hone mutšing. 26 Nebhuzaradane wa gore ke ndhuna ya masole o ba tsere a ya nabo ga kgoši ya Bhabhilona ku Ribhla. 27 Byalo kgoši ya Bhabhilona ya ba bolaya ku Ribhla+ ga naga ya Hamathe. Batho ba Juda ba tloga nageng ya bona ba ya bobhantiting.+

28 Bowa ke batho bo Nebhukhadhinezara* a yyeng a ba yisa bobhantiting: ka mongwaga wa kašupa wa mo a lawola o yisiye 3 023 ya Majuda bobhantiting.+

29 Ka mongwaga wa bo 18 wa mo Nebhukhadhinezara*+ a lawola, o tsere 832 ya batho Jerusalema.

30 Ka mongwaga wa bo 23 wa mo Nebhukhadhinezara* a lawola, Nebhuzaradane wa gore ke ndhuna ya masole o tsere 745 ya batho ba gore ke Majuda a ba yisa bobhantiting.+

Batho bo ba ba yisiyeng bobhantiting mo ba felele ke 4 600.

31 Ka mongwaga wa bo 37 wa mo Kgoši Jehoyakhini+ wa Juda a le bobhantiting, ka kgwedi ya bo 12 ka letšatši la bo 25 la kgwedi yone, Kgoši Evili-merodakha wa Bhabhilona o ntshiye Kgoši Jehoyakhini wa Juda jele ka mongwaga wo a yyeng a ba kgoši ka wona.+ 32 A mo tshwara gabutši fote a maka gore setulo sage sa go lawola se phale sa magoši ka mokana ga wona ya ne ma le naye Bhabhilona. 33 Byalo, Jehoyakhini a yapola dikobo tsage tsa jele, fote o jele tafoleng ya kgoši lephelo lage ka mokana ga lona. 34 Ne a kraya tsa go ja tsa go tšwa ga kgoši ya Bhabhilona letšatši le lengwana le le lengwana, fote o di krayye lephelo lage ka mokana ga lona, go segela a kgwa.