Hezekiyele

43 Ke mokane a n’yisa gheyiting ya gore yi libiye ka bohlabela.+ 2 Gana hone ka bona go gadima ga Modimo wa Israyele go tla go tšwa ka bohlabela,+ lentsu lage ke mo le tshwana le modumo wa meetši ya gore ma tla ma taboga;+ fote lefaseng ke mo go khannye ka taba la go gadima gage.+ 3 So ke se bonneng ke mo se tshwana le mmono wo ke wo bonneng nakwela ke tla gore ke tl’le fetsa ka mutši, fote ne se šupa se tshwana le so ke se bonneng thina le nooka ya Khebhara;+ ka wela fase ke yinamisiye hlogo.

4 Ke mokane go gadima ga Jehova gwa kena ka tempeleng* ka gheyiti ya gore yi libiye bohlabela.+ 5 Moya* wa ntsosa wa n’yisa lapeng la ka teng, ka di bona gore tempele yi tlele ka go gadima ga Jehova.+ 6 Ke mokane ka kwa ye mongwana a bolabola le nna a le tempeleng, fote motho yene a tla a yema thina gaka.+ 7 O yitseri gaka:

“Morwayi wa motho, yowa ke poleke ya setulo so ke lawolang ke le ga sona+ fote ke poleke ya gore ke nyoko gatela ga yona,+ ga gore ke nyoko dula gare ga batho baka ba Israyele go ya go yye.+ Batho ba ntlo ya Israyele ba ka sa sa thilafatsa lebitso laka la go hlawolega,+ bona le magoši ya bona, ka go sa tshepege ho gaka le ka ditopo tsa magoši ya bona. 8 Nakwela ba beya monyako wa tempele ya bona thina le monyako wa tempele yaka, nakwela ba beya foremo ya monyako wa tempele ya bona thina le foremo ya monyako wa tempele yaka, go fo ba le lepharo ho gare gaka le bona,+ nakwela ba maka dilo ka mokana ga tsona tsa go silikisa, ba šupetsiye gore a ba hlompe lebitso laka la go hlawolega, byalo ka fetsa ka bona nkene ke kwatiye.+ 9 Byalo, ba lisetse go sa tshepege ho gaka fote ba beyele ditopo tsa magoši ya bona ku kgole le nna, ke mokane ke nyoko dula gare ga bona go ya go yye.+

10 “Mara wene morwayi wa motho, hlatollela ba ntlo ya Israyele gore tempele yi byang,+ gore tso ba kekemisiyeng ga tsona di ba tšebise,+ gore ba thogo tšiba polane ya yona. 11 Mo nkare dilo ka mokana ga tsona tso ba di makiyeng dya ba tšebisa, di nyaka o make gore ba tšibe polane ya tempele, ka mokgo yi makiwweng ka gona, mo go tšwiwang gona le mo go keniwang gona.+ Ba šupetse dipolane tsa yona ka mokana ga tsona le melawo ya tsona, fote o yi ngwale fase ba kene ba lebelele, gore ba theetsele melawo ka mokana ga yona ya go sipidisana le polane yone.+ 12 Wowa ke molawo wa tempele. Poleke ka mokana ga yona ya gore yi dukulugele hala kgakala ga thaba yi hlawolegiye ka matla.+ Wowa ke molawo wa tempele.

13 “Aletare ke mo yi metiwwe ka dikhyubhiti+ (ga khyubhiti ye nngwana le ye nngwana ba yeketsiye ka sa go lekana le kanne ya dinwana mo di gahlanne).* Ke mo yi metiwwe ka mokgo: Ka mo tlase ke mo go le khyubhiti ka yyoši fote ke mo go le khyubhiti ka yyoši ka go psyaralala. Mo mafelelong ga yona yi na le mokgero wa gore wo yi dukulugele wa gore ka bokoto wo lekana le gana hala ga 22 ya disenthimitha. Mowa ke ka ku tlasetlase ga aletare. 14 Go tlugisela ku tlase go segela mokgerong wa mathomo wa go dukulugela aletare ke dikhyubhiti ka dipedi, ke mokane ka bokoto ke khyubhiti ka yyoši. Go tlugisela ga mokgero wa mo gare wa go dukulugela aletare go segela ga mokgero wo mogolo wa gore wo yi dukulugele ke kanne ya dikhyubhiti, ke mokane ka bokoto ke khyubhiti ka yyoši. 15 Mo ba gotselang gona mollo hala aletareng ke mo go le kanne ya dikhyubhiti go ya kgakala, fote mo dikhoneng kanne ya tsona tsa mo ba gotselang gona mollo ke mo go na le kanne ya manaka.+ 16 Mahlaya ya mo ba gotselang gona mollo hala aletareng ke mo ma lekana, ke mo go le 12 ya dikhyubhiti ka go lefa fote go le 12 ya dikhyubhiti ka go psyaralala.+ 17 Kanne ya mahlaya ya mokgero wa go dukulugela aletare ke mo go le 14 ya dikhyubhiti ka go lefa, fote ke mo go le 14 ya dikhyubhiti ka bokoto; mokgero wa hala mafelelong wa gore wo dukulugela nayo ke mo go le hafo ya khyubhiti, fote hala tlase ga yona ke khyubhiti ka yyoši mahlaya ka mokana ga wona.

“Fote ditepisi tsa yona ke mo di libiye ka bohlabela.”

18 Ke mokane a re gaka, “Morwayi wa motho, tsowa ke tso Jehova Morena wa ku Malenghelengheng a di hlayang: ‘Tsowa ke tso di tshwaneleng di latelediwe mo go makiwa aletare, gore go thogo makiwa dihlabelo tsa go tšhubiwa fote go fokediwe madi ga yona.’+

19 “‘O tseye senamane sa kgomu ya phoolo morapeng o se neye maprista ya Malifi ya gore ke ditlogolwane tsa Zadoke+ ya gore ma tla gaka gore ma mperekele, gore go be sehlabelo sa mo motho a sinnye,’+ go hlaya Jehova Morena wa ku Malenghelengheng. 20 ‘Di nyaka madi ya mangwana ya sona o ma tseye ke mokane o ma tlotse ga kanne ya manaka ya aletare, ga kanne ya dikhona tsa mekgero le ho yi felelang gona hala ga gore yi dukulugela aletare, gore o thogo yi yedisa ga tso tsa go sinya fote ba thogo maka dihlabelo tsa go kgopela tshwarelo ga yona.+ 21 Ke mokane o tseye senamane sone sa phoolo sa gore ke sehlabelo sa mo motho a sinnye, gore se tšhubiwe polekeng ya gona tempeleng ka tawong ga poleke ya go hlawolega.+ 22 Ka letšatši la mabedi o nyoko tseya sephongho sa gore se philegiye wa maka sehlabelo sa mo motho a sinnye; ba nyoko yedisa aletare yone ga tso tsa go sinya go fo tshwana le mo ba yi yedisiye ga tso tsa go sinya ka senamane sa phoolo.’

23 “‘Mo o fetsa go yi yedisa ga tso tsa go sinya, o nyoko maka sehlabelo ka senamane sa phoolo sa gore se philegiye sa gore se tseyiwwe morapeng le ka nku ya phoolo ya gore yi philegiye ya gore yi tseyiwwe morapeng. 24 O di yise ga Jehova, ke mokane moprista o nyoko di tšhela letswayi+ a makela Jehova sehlabelo sa go tšhubiwa ka tsona. 25 Wene o nyoko fetsa kašupa ya matšatši o maka sehlabelo ka sephongho letšatši le lengwana le le lengwana, sehlabelo sa mo motho a sinnye,+ le ka senamane sa phoolo le nku ya phoolo tsa gore di tseyiwwe morapeng; o nyoko maka dihlabelo ka diphoolwane tsa gore a di na selabi. 26 Ba nyoko fetsa kašupa ya matšatši ba maka gore aletare yi hlawolege ga tsa go sinya ka go yi makela sehlabelo, di nyaka ba yi yedise gore ba thogo yi berekisa. 27 Mo matšatši yane ma fediye, ka letšatši la mabala le ka nthago ga hone,+ maprista ma nyoko le makela dihlabelo tsa go tšhubiwa le dihlabelo tsa go hlekediwa hone aletareng; fote ke nyoko le yamogela,’+ go hlaya Jehova Morena wa ku Malenghelengheng.”