Hoseya
14 “Wene Israyele, boyela ga Jehova Modimo wago,+
Ka gore o phiriketsegiye ka taba la tso o kekemisiyeng ga tsona.
2 Boyela ga Jehova o mmotse gore,
‘Nkare o ka re tshwarela ga tso re kekemisiyeng ga tsona+ wa boya wa yamogela tsa gabutši,
Go fo tshwana le mo motho a maka sehlabelo ka dinamane tsa phoolo, le rune re nyoko go thanaka.+
3 Asiriya yi ka sa re phonisi.+
Re ka sa kalame dipera,+
Fote re ka sa sa hlaya gore, “Wene Modimo wa rune!” re rela tso re di makiyeng ka matsogo ya rune,
Ka gore ke wene ye a makang gore ngwana wa go se na papa a kwediwe go baba.’+
4 Ke nyoko ba yalafa fote ba nyoko lisetsa go sa tshepege.+
5 Ke nyoko tshwana le phooka ga Israyele;
O nyoko bhloma go tshwana le dilili
Fote o nyoko maka gore midu yage yi ye fase go tshwana le mehlare ya Lebhanoni.
6 Makalanyana yage ma nyoko gola,
O nyoko bafala go tshwana le mohlare wa diolivi,
Fote o nyoko nkgela go tshwana le mohlare wa Lebhanoni.
7 Ba nyoko dula morithing wage fote.
Ba nyoko gaša mabele, fote ba nyoko hluga go tshwana le mohlare wa didhriva.+
Yene o nyoko tuma go tshwana le wayini ya Lebhanoni.
8 Eforayimi o nyoko re, ‘Ke sa nyoko maka ying ka medimo ya dithombhe?’+
Ke nyoko mo kwa fote ke nyoko mo pasopa.+
Ke nyoko tshwana le mohlare wa mojunipha* wa gore wo gola gabutši.
Wene o nyoko kraya diyengwa mo gaka.”
9 Ke mang wa gore o hlalefiye? Nkare a ka kwisisa dilo tsowa.
Ke mang wa gore o hlalefiye? Nkare a ka di tšiba.
Ka gore dipata tsa Jehova di lukiye,+
Fote bo ba go loka ba sepela ga tsona;
Mara bo ba go sa make dilo gabutši baa phikega mone ga tsona.