Dipalo

14 Ke mokane mogoba ka mokana ga wona wa yahlamela, batho ba ya mahlong ba lla fote ba gotla bošego ka mokana ga byona.+ 2 Maisrayele ka mokana ga wona ma thomisa go kokola ka Moše le Aroni+ fote mogoba ka mokana ga wona wa bolabolela thoko ka bona, wa re: “Hala re f’lo tikgwela ku nageng ya Egepita kela ra kgwela gana ho mašahleng! 3 Ke ntaba Jehova a re leyye ga naga yowa gore ba re bolaye ka sabola?+ Basadi ba rune le bana ba rune go nyoko ba mabhantiti.+ A go kawone re boyele Egepita mara?”+ 4 Fote ke mo ba kene ba bolabodisana bona beng ba re: “Tla re kgeteneng wa go re yeta mahlong, re boyele Egepita!”+

5 Mo Moše le Aroni ba kwa tsotsone, ba kgotama mahlong ga mogoba wa Maisrayele. 6 Jošuwa+ morwayi wa Nuni le Khalebho+ morwayi wa Jefune ba gore ne ba le gare ga bala ba ba rommeng gore ba ye hlolela naga, ba tlerola dikobo tsa bona, 7 fote ba botsa mogoba wa Maisrayele ka mokana ga wona gore: “Naga yo ba re rommeng gore re ye yi hloleleng yi gabutši ka matla.+ 8 Mo nkare Jehova o bona re mo jabodisa, o nyoko maka gore re kene ga naga yone fote o nyoko re neya yona, naga ya gore yi yela lebese le mamapo.+ 9 Mara le sa jikele Jehova, fote le sa tšhabe batho ba naga yone+ ka gore re nyoko ba hlula. A go sa na sa go ba pasopa, fote Jehova o na le rune.+ Le sa ba tšhabe.”

10 Mogoba ka mokana ga wona wa kwana gore wo nyoko ba pshyaya ka matlapa.+ Mara go gadima ga Jehova gwa nyarela letenteng la mogahlano mahlong ga batho ka mokana ga bona ba Israyele.+

11 Ke mokane Jehova a re ga Moše: “Anthe batho bowa ba nyoko ndhelela go segela neng,+ fote ba nyoko šupetsa neng gore baa ntshepa ka gore ke makiye mehlolo ya go tlala mahlong ga bona?+ 12 Yema ke ba leyele malwele ya go bolaya, ke fetse ka bona, fote ke make gore ho gago go tšwe setšhaba se segolo ka matla sa go ba le matšhika go phala bona.”+

13 Mara Moše a re ga Jehova: “Maegepita yala ya gore o ntshiye batho bowa ga wona ka matšhika yago ma nyoko di kwelela,+ 14 fote ma nyoko bolabola ka tsona ga batho bo ba dulang ga naga yowa. Le bona ba di kwelele gore wene Jehova o gare ga batho bowa+ le gore o nyarele ga bona, la libana.+ Ke wene Jehova, le liru lago le yemme gedimo ga bona, fote o ba yeta mahlong ka liru motshegare ke mokane bošego o ba yeta mahlong ka mollo.+ 15 Mo o ka fo napa o fetsa ka batho bowa, ditšhaba tso di tšibang tso o di makiyeng di nyoko re: 16 ‘Jehova o šitegiye go neya batho bowa naga yo a ba tshepisiyeng yona, nka taba lo a ba bolayyeng ku mašahleng.’+ 17 Barena Jehova, gana byalo šupetsa gore o na le matšhika ya magolo go ya ka mokgo o tshepisiyeng mo o re: 18 ‘Jehova aa yakgoswele go kwata fote o dula a nyakanana,+ wa tshwarelana mara a ka sa lisetsi motho wa gore o na le molato a sa mo wolole, o nyoko wolola bana ka taba la melato ya bopapa ba bona fote o nyoko wolola le ditlogolo le ditlogolwane.’*+ 19 Ke kgopela o ba tshwarele ga tso ba di sinnyeng ka taba la gore o ba nyaka ka matla, go fo tshwana le mo o ba tshwarele go tlugisela ka nakwela ba le Egepita go segela gana byalo.”+

20 Ke mokane Jehova a re: “Nko ba tshwareleng ka taba la tso o di hlayyeng.+ 21 Mara ka nthoko ye nngwana, solanka ke sa phela, batho ba ho lefaseng ka mokana ga lona ba nyoko bona matšhika ya Jehova.+ 22 Mara a go na motho le ka wwoši wa gore o bonne matšhika yaka le mehlolo+ yo ke yi makiyeng ku Egepita le ku mašahleng, wa gore o ya mahlong a nliketsa+ ga lesome fote a sa theetsele lentsu laka+ 23 wa gore o nyoko kena ga naga yo ke yi tshepisiyeng bopapa ba bona. Aa šiyo le ka wwoši wa gore aa nhlompe wa gore o nyoko kena ga naga yone.+ 24 Mara ka taba la gore lelata laka Khalebho+ ke mo le sa tshwane le ba bangwana fote le nšala nthago ka pelo ka moka, ka nnete le nyoko kena ga naga yo ne ke le romme ga yona fote le bana lona ke nyoko ba neya yona.+ 25 Byalo ka taba la gore Maamaleke le Makanana+ ma dula moyeding, di nyaka ka motshwana o jike o sepele ka mašahla ya go ya ga Lewatle le Lekhubedu.”+

26 Ke mokane Jehova a re ga Moše le Aroni: 27 “Anthe mogoba wowa wa dipelo tse diphifadu wo nyoko kokola ka nna go segela neng?+ Ke di kwile tso Maisrayele ma kokolang ka tsona.+ 28 Ma botse gore, ‘“Solanka ke sa phela,” go hlaya Jehova, “ke nyoko maka tso ke kwileng le di hlaya!+ 29 Batho ka mokana ga bona bo ba ngwadisiwweng ba go thomisa ga 20 ya mengwaga go ya gedimo ba gore ne ba kokola ka nna,+ ba nyoko kgwela+ ho mašahleng ka mokana ga bona. 30 A go na le ka wwoši wa lune wa gore o nyoko kena a dula ga poleke yo ke le tshepisiyeng yona,+ go nyoko fo kena Khalebho morwayi wa Jefune le Jošuwa morwayi wa Nuni.+

31 “‘“Bana ba lune ba gore le yitseri go nyoko ba mabhantiti,+ ke nyoko ba tlisa ga naga yowa fote ba nyoko tšiba naga yo ya gore lune le yi ganne.+ 32 Mara lune le nyoko kgwela mo mašahleng. 33 Byalo, go nyoko fela 40 ya mengwaga barwayi ba lune ba disa mašahleng,+ ba nyoko patela ka gore lune a le ya tshepega. Fote ba nyoko dula mašahleng go segela ka mokana ga lune le kgwa.+ 34 Ka taba la go fediye 40 ya matšatši+ le kene le hlolela naga, go nyoko fela 40 ya mengwaga+ le patela tso le di sinnyeng, letšatši ka lloši le nyoko yemela mongwaga ka wwoši, fote le nyoko di bona gore go makega ying mo le njikela.*

35 “‘“Nna Jehova ke bolabodiye. Tsowa ke tso ke nyoko di makang mogoba wa pelo ye phifadu wa gore wo kgobakanne gore wo njikele, go nyoko fela ka wona mo mašahleng fote wo nyoko kgwela gona.+ 36 Banna bo Moše a ba rommeng gore ba ye hlolela naga, ba gore ba makiye gore batho ka mokana ga bona ba kokole ga Moše nakwela ba bolabola dilo tsa go sa loka ka naga yone,+ 37 eya, banna ba gore ba bolabodiye tsa go sa loka ka naga yone ba nyoko bolayiwa mahlong ga Jehova.+ 38 Mara Jošuwa morwayi wa Nuni le Khalebho morwayi wa Jefune ba gore ke mo ba le gare ga banna bo ba ba rommeng go ye hlolela naga yone, bona ba nyoko ya mahlong ba phela.”’”+

39 Mo Moše a bolabola mantsu yane ga Maisrayele ka mokana ga wona, batho ba thomisa go lla ka matla. 40 Go tokegela gana hone, ba tsoga ka bošego ke mokane ba liketsa go ya ku gedimo ga thaba, ba re: “Gana byalo re nyoko ya ga poleke ya gore Jehova o re butsiye ka yona, ka taba la gore re sinnye.”+ 41 Mara Moše a re: “Ke ntaba le nyaka go maka dilo tsa gore Jehova aa le botsa gore le di make? Le ka sa ro phomelela. 42 Le sa yi, ka gore Jehova aa sa sepela le lune; fote manaba ya lune ma nyoko le hlula.+ 43 Ka taba la gore Maamaleke le Makanana ba yemele go lwa le lune,+ fote ba nyoko le bolaya ka sabola. Ka gore lune le jikele Jehova, fote Jehova a ka sa be le lune.”+

44 Ba f’lo tiwomisa dihlogo ba ya gedimo ga thaba yela,+ mara areka ya Jehova ya go kwanisanya a ya tlusiwa le Moše aa tloga hala gare ga kampa.+ 45 Ke mokane Maamaleke le Makanana ba gore ke mo ba dula ga thaba yone ba thewoga ke mokane ba segela ba ba hlula, ke mokane bona ba tšhaba ba segela le Horoma.+