Dipalo
24 Mo Bhalamo a bona gore di jabodisa Jehova mo a rufa Maisrayele, aa maka go tshwana le mathomisong, aa nyaka go tšiba gore ayitsano Israyele yi nyoko tlela ke tsa go befa naa,+ mara a jika a lebelela ku mašahleng. 2 Mo Bhalamo a lebelela Maisrayele fote a ma bona ma kampiye go ya ka maloko ya wona,+ a tlela ke moya wa Modimo.+ 3 Ke mokane a hlaya seyema sowa:+
“Tsowa di bolabola ke Bhalamo morwayi wa Bhiyora,
Fote go bolabola monna wa gore maahlo yage ma bulegiye,
4 Ke mantsu ya motho wa gore o kwa lentsu la Modimo,
Wa gore o bonne mmono wa Ye wa Matšhika ka Moka,
A kgotamme, maahlo yage ma bulegiye:+
5 Matente yago ma bafele wene Jakobo,
Ditabarenakele tsago di bafele wene Israyele!+
6 Di tshwana le meyedi ya go segela kgole,+
Fote di tshwana le dibaya tsa gore di thina le nooka,
Di tshwana le magalane* ya gore ma gašiye ke Jehova,
Di tshwana le mephayi ya gore yi thina le meetši.
7 Dipitsa tsage ka dipedi di thotha meetši,
Fote pewu yage yi gašiwwe thina le meetši ya go tlala.+
8 Modimo o nyoko mo ntsha Egepita;
O na le matšhika go tshwana le manaka ya kgomu ya phoolo ya hlaga. O mo gelepa ka wona
O nyoko fetsa ka ditšhaba tsa gore di ya ba hlorisa,+
Fote mašapo ya bona o nyoko ma pshyaya, ke mokane a fetsa ka bona a berekisa mosefo wage.
9 O yinamele fase, o patlamme go tshwana le tawu,
A ka tsosa ke mang mara?
Bo ba nabelang gore o rufiwe le bona baa rufiwa,
Fote ba nabelang gore o wele ke tsa go sasamela le bona di nyoko ba wela.”+
10 Ke mokane Bhalake a kwatela Bhalamo ka matla. Bhalake a teya matsogo a kene a fufulele a re ga Bhalamo: “Ke go bitsele gore o tl’le maka gore batho bowa ba wele ke senyama,+ mara wene a wa di maka tsotsone fote o ba rufiye ga kararo. 11 Napa o ya gaye. Nna ne ke nyoko maka gore o hlompiwe ka matla+ mara Jehova o makiye gore o sa hlompiwi.”
12 Bhalamo a re ga Bhalake: “Anthe a ke ya botsa batho bo o ba rommeng gore, 13 ‘Le mo Bhalake a ka nneya ntlo yage ya gore yi tlele ka silva le gholdi, nka sa make selo sa gore Jehova aa hlaya gore ke se make, le mo selo sone se lukiye kela se sa loka. Anthe a ke ya hlaya gore ke nyoko bolabola tso Jehova a mputsiyeng tsona fela’?+ 14 Gana byalo ke boyela ga batho ba geru. Byalo tlang ke go botse gore batho bowa ba nyoko maka ying ka batho bago ku mahlong.”* 15 Byalo a hlaya seyema sowa:+
“Tsowa di bolabola ke Bhalamo morwayi wa Bhiyora,
Fote go bolabola monna wa gore maahlo yage ma bulegiye,+
16 Ke mantsu ya motho wa gore o kwa lentsu la Modimo,
Wa gore o tšiba dilo go tshwana le Wa ku Malenghelengheng,
Wa gore o bonne mmono wa Ye wa Matšhika ka Moka
A kgotamme, maahlo yage ma bulegiye:
17 Ke nyoko mmona, mara nka sa mmone gana byalo;
Ke nyoko mmona, mara yi ditaba tsa gana byalo.
O nyoko pshyaya mopo wa Mowaba+
Fote o nyoko pshyaya bokakara bya barwayi ba go kwana le go lwa.
18 O nyoko tseya naga ya Edomo gore go be yage,+
Ke mokane naga ya Seyiri+ yi nyoko tseya ke manaba yage,+
Maisrayele wona ma nyoko šupetsa gore ma na le lešiši la go tshwana le lage.
19 Motho wa go tšwa ga leloko la Jakobo o nyoko hlula,+
Fote o nyoko psyitlanya motho ye mongwana le ye mongwana wa gore o phonne ga mutši wone.”
20 Mo a bona Maamaleke o yye mahlong a hlaya seyema sage sa gore:
21 Mo a bona Makeni+ o yye mahlong ka seyema sage sa gore:
“Wene o dula ga poleke ya gore yi pasopegiye, fote wene o dula ga letlapa le legolo.
22 Mara motho ye mongwana o nyoko tšhuba naga ya Khayine.
Nako ya gore Asiriya yi make gore le be mabhantiti yi nyoko segela leng?”
23 Fote mo a kene a hlaya seyema sage o yitseri:
“Yo nna yo! Ke mang wa gore o nyoko phona mo Modimo a maka dilo tsowa?
24 Go nyoko tla dikepe di tšwa lerophong la Kitimo,+
Di nyoko hlupegisa Asiriya,+
Fote di nyoko hlupegisa Ebhere.
Mara le yene go nyoko fela ka yene.”
25 Ke mokane Bhalamo+ a tlogamela, a boyela mo a dulang. Bhalake le yene a sepela.