17 Ka nthago ga kobodi ya matšatši, Jeso a tseya Petro, Jakobo le bhuti wage Johane a ya nabo thabeng ya go lefa.+ 2 Ke mokane a tšhentšha mo a kene a le nabo, fote ho mahlong gage gwa gadima go tshwana le letšatši, kobo yage ya khanya go tshwana le llampa.+ 3 Gwa nyarela Moše le Eliya ba bolabola naye. 4 Ke mokane Petro a re ga Jeso: “Morena, di gabutši gore re howa. Mo o nyaka, nka hloma kararo ya matente howa, ka lloši go be la gago, ka lloši go be la Moše le lengwana go be la Eliya.” 5 Mo Petro a sa bolabola, gwa nyarela liru la ba kogetsa, ke mokane gwa kwagala lentsu le tšwa lirung la re: “Yewa ke Morwayi waka, wa gore ke mo nyaka ka matla, wa gore ke mo yamogele.+ Le mo theetseleneng.”+ 6 Mo malata ma kwa tsotsone, ma wela fase ma šala ma hlagasela. 7 Ke mokane Jeso a šutela a ma tshwara a re: “Tlogamelaneng. Le sa tšhabe selo.” 8 Mo ma lebelela gedimo, ma sa boni motho mara ma fo bona Jeso a ntoši.

28 Ka nthago ga gana hala ga mabala ya matšatši Jeso a hlayye mantsu yawa, a tseya Petro, Jakobo le Johane a ya nabo thabeng ya go lefa gore ba ye rapeleng.+ 29 Mo a kene a rapela, a thomisa go tšhentšha ho mahlong, fote dikobo tsage dya khanya go tshwana le llampa. 30 Gwa nyarela banna ka babedi ba bolabola naye, ke mo go le Moše le Eliya. 31 Le bona ba nyarela ba gadima, ke mokane ba thomisa go bolabola ka tso di nyoko makegelang Jeso ku Jerusalema le ka mokgo a nyoko tlogang ka gona.+ 32 Byalo, Petro le bo ne ba le naye ke mo ba kobola, mara mo ba re phaphara, ba bona a gadima+ fote a yemme le banna ka babedi. 33 Mo banna bowa ka babedi ba šele ba le thina le go šiya Jeso, Petro a re gage: “Thitšere, di gabutši gore re howa. Byalo re lisetse re hlome kararo ya matente, ka lloši go be lago, ka lloši go be la Moše le lengwana go be la Eliya.” Petro ke mo a sa tšibi tso a di bolabolang. 34 Mara mo a sa bolabola, gwa nyarela liru la ba kogetsa, ba tšhoga ka matla. 35 Ke mokane gwa kwagala lentsu+ le tšwa ga liru lone la re: “Yewa ke Morwayi waka, wa gore ke mo hlawodiye.+ Le mo theetseleneng.”+ 36 Mo ba kwa lentsu lone, ba bona Jeso a le ntoši. Mara a baa botsa motho ka tso ba di bonneng ka matšatši yane.+