Tsowa di Hlatolla ke Lluka

20 Ka letšatši le lengwana mo Jeso a kene a tšhutisa ku tempeleng fote a sabalatsa le ditaba tsa go bafala, dindhuna tsa maprista, bomabhalane le banna ba bagolo ba tla, 2 ba re gage: “Anthe wene o ma kraya kaye matšhika ya go maka dilo tsowa? O ma neyye ke mang matšhika yawa?”+ 3 Mo a ba fetola a re: “Le nna ke nyoko le butsisa putsiso, le mfetoleneng: 4 Kolobetso ya Johane ke mo yi tšwa ga Modimo* kela ga batho?” 5 Ba thomisa go bolabola ba le ntoši ba re: “Mo re ka re, ‘Ke mo yi tšwa ga Modimo,’ o nyoko re butsisa gore, ‘Byalo ke ntaba le sa dumela gage?’ 6 Mo re ka fo re, ‘Ke mo yi tšwa ga batho,’ batho bowa ba nyoko re pora ka matlapa, ka taba la gore bona ba tshepa gore Johane ke mo go le moporofeta.”+ 7 Byalo ba re a ba tšibi gore yi tšwa kaye. 8 Jeso a re ga bona: “Le nna nka sa le botse gore dilo tsowa ke di maka ka matšhika ya mang.”

9 Byalo, a thomisa go botsa batho ka mošupetso wowa a re: “Ke mo go na le monna ye mongwana wa gore ke mo a na le tšhomo ya didhriva+ ke mokane a yi šiya le bo ba go lima, yene a sepela a ya ga poleke ye nngwana a ya a tseya nako a le gana ku.+ 10 Mo go segela nako ya go buna, a roma sebereki sage gore se ye se tseye diyengwa tse dingwana ga bala ba go lima. Byalo, bala ba go lima ba se tshwara ba se teya, ba se raka, sa boyela nthago se lekalekisa matsogo.+ 11 A roma sebereki se sengwana. Le sona ba se teya, ba se maka lešidi ke mokane ba se raka, sa boyela nthago se lekalekisa matsogo. 12 A roma se sengwana fote, le sona ba se kwaletsa ke mokane ba se bošela tawong. 13 Mong wa tšhomo ya didhriva a re, ‘Ke ya tšiba gore ke nyoko maka byang. Ke nyoko romela morwayi waka ye ke mo nyakang ka matla.+ Yene ba nyoko mo hlompa.’ 14 Mo banna bala ba mmona, ba kwana ba re, ‘Yewa ke yene mojalefa. Tla re mmolayeneng ke mokane lefa lowa go nyoko ba la rune.’ 15 Ba mo tseya ba mmošela ka tawong ga tšhomo yone ya didhriva ke mokane ba mmolaya.+ Byalo, mong wa tšhomo yone o nyoko ba maka ying mara? 16 O nyoko tla a bolaya bala ba go lima ke mokane a tseya tšhomo yela a yi neya ba bangwana.”

Mo batho ba kwa tsotsone ba re: “Ye barena!” 17 Mara a ba lebelela a re ga bona: “Tso di ngwadiwweng tsa gore: ‘Letlapa la gore bommeselane ba le ganne go fetsiye go ba khona ya fandhiši, di ra gore king’?*+ 18 Ye mongwana le ye mongwana ye a welang mo ga letlapa lone o nyoko kwalela ka matla.+ Fote le ye le mo welang le nyoko mo šilanya.”

19 Dindhuna tsa maprista le bomabhalane ke mo ba nyaka go mo tshwara ka nako yonone, ka taba la gore ba di bonne gore o bolabola ka bona ga mošupetso wone, mara ke mo ba tšhaba mogoba.+ 20 Ke mo ba nyaka lešuba la go mo tshwara, byalo ba romela banna bo ba ba hiriyeng ka makhukhung gore ba timake nkare ba lukiye gore ba thogo mo tanya ka tso a di bolabolang,+ fote ba mo yise ga ba bagolo ba mmušo. 21 Ba mmutsisa ba re: “Thitšere, re ya tšiba gore o bolabola nnete fote o tšhutisa nnete, a o yi ka gore motho ke wa mošaga mang, mara o tšhutisa nnete ka Modimo: 22 Nje molawo wa dumela gore re patele tšheleta ya mothelo ga Kesara?” 23 Mara Jeso ke mo a tšiba tso ba di naganang, ke mokane a re: 24 “Leyaneng dhenariyase ke yi bone. Sethombhe sowa le lebitso lowa ke tsa mang?” Ba re gage: “Ke tsa Kesara.” 25 Jeso a re: “Byalo, patelaneng Kesara dilo tsa Kesara,+ le Modimo le mo pateleneng tsa Modimo.”+ 26 Ba šitegiye go mo tshwara ka tso ne ba mmutsisa tsona mahlong ga mogoba, mara ba makatsa nka mokgo a ba fetodiyeng ka gona, ba fo šala ba yi tse kekenene.

27 Mara Masadutseyi ya mangwana ya ne ma sa dumele gore batho ba nyoko tsusiwa,+ ma tla gage ma mmutsisa ma re:+ 28 “Thitšere, Moše o ngwadiye gore, ‘Mo monna a ka timela a šiya mosadi wage a se na bana, di nyaka bhuti wage a tseye mosadi yene a belegele bhuti wage bana.’+ 29 Byalo ke mo go na le bobhuti kašupa ya bona. Wa mathomo o yye a tseya mosadi mara a fetsa a timele a se na bana. 30 Le wa mabedi 31 le wa kararo gwa fo ba ka mokgonone. Ka mokana ga bona ba le kašupa, ba kgwa ba se na bana. 32 Mosadi yela le yene a feleletsa a kgwile. 33 Byalo, mo batho ba tsusiwa, mosadi yewa go nyoko ba wa mang ga bala kašupa ya bona? Ka taba la gore ke mo go le mosadi wa bona ka mokana ga bona.”

34 Jeso a re ga bona: “Batho ba matšatši yawa baa šadha fote ba bangwana baa šadhisiwa, 35 mara bo ba nyoko tsusiwang mabitleng ka dinako tso di tlang, ba ka sa šadhe.+ 36 Gabutšibutši, le go kgwa ba ka sa sa kgwa, ka gore ba ko ba ba tshwana le mangeloyi fote ka taba la gore ba ko ba ba tsusiye, ba nyoko ba bana ba Modimo. 37 Ga taba yela ya mohlare wa go dura, Moše o hlayye gore bo ba gore ba kgwile ba nyoko tsusiwa, nakwela a hlaya gore Jehova* ‘ke Modimo wa Abhrahama, Modimo wa Isaka le Modimo wa Jakobo.’+ 38 Modimo a yi Modimo wa batho ba gore ba kgwile, mara ke Modimo wa batho ba go phela ka taba la gore gage baa phela ka mokana ga bona.”+ 39 Bomabhalane ba bangwana ba fetola ba re: “Thitšere, o bolabodiye gabutši wa tšiba.” 40 Ka gore ke mo ba sa sa na lešiši la go mmutsisa le mong putsiso ka yyoši.

41 Jeso a ba butsisa a re: “Anthe ke ntaba ba re Kreste ke morwayi wa Dafita?+ 42 Ka taba la gore ga puku ya Pisalema Dafita o re, ‘Jehova* o butsiye Morenaka gore: “Dula ka letsogong laka la go ja 43 go segela ke beya manaba yago ka fase ga mawoto yago.”’+ 44 Dafita o re ke Morena, byalo go tla byang go ba morwayi wa Dafita?”

45 Byalo, mo batho ba kene ba sa theetsele, Jeso a re ga malata yage: 46 “Le pasopeneng bomabhalane ba go kwana le go sepela-sepela ba yapere diphuraphura, ba nyaka go tamisiwa ho ba le ku mmakete, ba gore mo ba le disinagogeng ba nyaka go dula ka ku mahlong* fote ba kwana le ditulo tsa mayemo mo ba le menyanyeng,+ 47 ba tseyela basadi ba go kgwela ke banna dilo tso ba nang natso* fote mo ba rapela ba lefisa ka matla gore ba bone ke batho. Bobone ba nyoko yahludiwa go baba.”