Dipalo

25 Nakwela Maisrayele ma dula Šitima,+ banna ba Maisrayele ba thomisa go maka bonghwahla le barwediya ba Mowaba.+ 2 Basadi ba Mowaba ke mo ba bitsa banna ba Maisrayele mo ba makela medimo ya bona dihlabelo,+ fote batho ba thomisa go ja le go kgotamela medimo ya bona.+ 3 Byalo, Maisrayele ma thomisa go rapela* Bhaali wa Pewore,+ ke mokane Jehova a kwatela Maisrayele. 4 Jehova a re ga Moše: “Tseya banna ka mokana ga bona ba gore ba yeta batho bowa mahlong o ba fege mahlong ga Jehova motshegare* gore ba bone ke batho ka moka, gore Jehova a lisetse go kwatela Maisrayele.” 5 Ke mokane Moše a re ga bo ba go yahlula Maisrayele:+ “Ye mongwana le ye mongwana wa lune a bolaye banna ba gabo ba gore ba rapela* Bhaali wa Pewore.”+

6 Mara ka nako yonone, monna ye mongwana wa Leisrayele a tla le mosadi wa Lemidiyane+ ga bobhuti bage, mahlong ga Moše le mahlong ga mogoba ka mokana ga wona wa Israyele, hala Maisrayele wona ma kene ma lla ku mahlong ga letente la mogahlano. 7 Mo Finiyase+ morwayi wa Eliyazara morwayi wa Aroni wa gore ke moprista a mmona, a yakgoswa a tlogamela hala gare ga mogoba ke mokane a tseya lerumo. 8 A mo šala nthago a kena ka ku letenteng, a segela a hlaba monna yela wa Leisrayele le mosadi yela ka lerumo, a ba hlaba ka ho bonneng le bosading. Ka mokgonone, bolwele byo ne bo wele Maisrayele bo yye bya fela.+ 9 Bo ba bolayyeng ke bolwele byone ke mo go le 24 000.+

10 Ke mokane Jehova a re ga Moše: 11 “Finiyase+ morwayi wa Eliyazara wa gore ke morwayi wa Aroni wa gore ke moprista o makiye gore ke lisetse go kwatela batho ba Israyele, ka taba la gore aa a lisetsa batho ba gana hone ba ndhelela.+ Byalo a ke ya bolaya Maisrayele ka taba la gore ke nyaka motho a rapele nna ke le ntoši.+ 12 Byalo mmotse gore, ‘Ke maka kwano ya go beba naye. 13 Fote gage go nyoko ba kwano ya go ya go yye ya boprista le ga ditlogolwane tsage+ ka taba la gore aa a lisetsa batho ba dhelela Modimo,+ fote o makiye gore batho ba Maisrayele ba tshwarediwe ga tso ba di sinnyeng.’”

14 Lebitso la monna ye wa Leisrayele wa gore ba mmolayye le mosadi wa Lemidiyane ke mo go le Zimorayi morwayi wa Salu, wa gore ke mo go le ndhuna ya leloko la Simiyoni. 15 Lebitso la mosadi wa Lemidiyane wa gore ba mmolayye ke mo go le Khozbhi morwediya wa Zure;+ wa gore ke mo go le ndhuna ya maloko ya Midiyane.+

16 Ka nthago Jehova a re ga Moše: 17 “Hlasela Mamidiyane fote o ma bolaye,+ 18 ka taba la gore ma makiye gore le makegele ke tsa go sasamela nakwela ma le woka gore le sinye le rapele Pewore+ le ka taba la tso Khozbhi morwediya wa ndhuna ya Midiyane a di makiyeng, sesi wa bona yela ba mmolayyeng+ ka letšatši lela go na le dilo tsa go sasamela tsa go leya ke tso di makegiyeng nakwela le rapela Pewore.”+