Tsowa di Hlatolla ke Matewu

26 Byalo mo Jeso a fetsa go bolabola ka dilo tsowa ka mokana ga tsona, a re ga malata yage: 2 “Le ya di tšiba gore ka nthago ga matšatši ka mabedi go tlugisela gana byalo go nyoko ba le Paseka,+ fote Morwayi wa motho ba nyoko mo tshwara ba mo kokotela phateng ya mohlupego.”+

3 Ke mokane maprista ya magolo le banna ba gore ba ba tseya nkare ba butšwiye ba kgobakana lapeng la moprista ye mogolo ye ba reng ke Kheyifase,+ 4 ba kwana+ gore ba nyoko maka byang gore ba thogo tshwara Jeso, ba boya ba mo polanela gore ba nyoko mmolaya. 5 Mara ne ba kene ba re: “Tla re sa di makeleneng ku monyanyeng, gore re sa tsose ntwa.”

6 Mo Jeso a sa le hala Bethani, gaye ga Simone wa go kena ke bolwele bya go jega dinama bya gore ba re ke lephera,+ 7 gwa tla mosadi ye mongwana a tshwere lepotlela* la go ba le makgura ya go tura ya go nkgela, a šutela thina gage, a tšhela makgura yala ho hlogong ya Jeso mo a kene a ja. 8 Mo malata ma bona tsotsone ma thomisa go kokola ma re: “Ke ntaba a sinya makgura yawa? 9 Hala a f’lo ma rekisa, nke a krayye tšheleta ya go bonala, yi neyiwe ba go tihlupegela.” 10 Mo Jeso a bona tsotsone a re: “Ke ntaba le hlupa mosadi yewa? A le boni gore o mmakele dilo tsa go bafala? 11 Phela bo ba go tihlupegela le ko fo dula le le nabo,+ mara nna nka sa duli ke na le lune.+ 12 Mo a šinya a ntlotsa makgura yawa ya go nkgela mo mmeleng, o ntlotsele gore ke thogo bolokiwa.+ 13 Nnete ke ya le botsa, go gongwana le go gongwana mo ba sabalatsang ditaba tsowa tsa go bafala lefaseng ka mokana ga lona, ba nyoko bolabola le ka tso mosadi yewa a di makiyeng gore a gopodiwe ka tsona.”+

14 Ke mokane ye mongwana ga bala 12 ya bona, ye ba reng ke Judase Iskariyoti+ a ya ga maprista ya magolo+ 15 a re: “Le nyoko nneya ying mo nka fo mo rekisa?”+ Ba mo tshepisa 30 ya ditšheleta tsa silva.+ 16 Go tlugisela gana hone, a nyakana le lešuba la gore a mo rekise.

17 Ka letšatši la mathomo la Sekgwa sa go se na Dikomelo,+ malata ya Jeso ma tla gage ma re: “O nyaka re lukiselele Paseka kaye?”+ 18 A re ga wona: “Ariyeneng ga Nninyane ku Jerusalema, le re gage, ‘Thitšere o re: “Nako yaka yi šele yi šutele; ke nyoko tla le malata yaka mone gaye gago, ke tl’le makela gona Paseka.”’” 19 Malata yala ma maka tso Jeso a ma butsiyeng tsona, ma lukiselela Paseka.

20 Mo le šele le kgwalala,+ ke mo a kgapamme tafoleng le 12 ya malata yage.+ 21 Mo ba kene ba ja, a re: “Nnete ke ya le botsa, ka wwoši ga lune o nyoko nrekisa.”+ 22 Ka taba la gore ne ba kwile go baba ka matla, ye mongwana le ye mongwana a thomisa gore gage: “A yi nna akere Morena?” 23 Mo a fetola a re: “Ye a nyoko šibang magahla le nna ka howa sitšeng, ke yene a nyoko nrekisang.+ 24 Ke ya le botsa, go ngwadiwwe gore Morwayi wa motho o nyoko tloga, mara ye a ko bang a rekisiye Morwayi wa motho+ o ko tikweleng!+ O ko kwa nkare nke a sa belegiwa.”+ 25 Judase ye ne a le thina le go mo rekisa a re: “A yi nna, akere Rabi?” Jeso a re gage: “Go hlayye wene tsotsone.”

26 Mo ba kene ba ja, Jeso a tseya sekgwa,* mo a fetsa go rapela a se ngatha,+ a neya malata yage a re: “Tseyaneng, janneng. Sowa se yemela mmele waka.”+ 27 A tseya komitši ya wayini, a rapela ke mokane a ba neya yona, a re: “Nwanneng ka mokana ga lune,+ 28 ka taba la gore sowa se yemela ‘madi+ yaka ya kwano,’+ ya gore ma nyoko falatsiwa gore ba go tlala+ ba thogo tshwarediwa ga tso ba di sinnyeng.+ 29 Mara nna ke re ga lune: Nka sa sa nwa selo sa go makiwa ka didhriva, go segela mo ke se nwa le lune mo ke le Mmušong wa Papa.”+ 30 Mo ba fetsa go yepelela dikoša* tsa go thanaka Modimo, ba ya Thabeng ya Diolivi.+

31 Jeso a re ga bona: “Ka mokana ga lune di nyoko le šita go yema le nna bošego byo, ka gore go ngwadiwwe gore: ‘Ke nyoko kutulugela ye wa go disa, ke mokane morape wage wa dinku wo nyoko palakana.’+ 32 Mo ke šele ke tsusiwwe, ke nyoko le yeta mahlong mo re ya Galeliya.”+ 33 Mara Petro mo a fetola a re: “Le mo ba ka šitega go yema nago ka mokana ga bona, nna nka sa šitege!”+ 34 Jeso a re gage: “Nnete ke ya go botsa, mo phooko yi soko lika bošego byo, wene o ko ba o mphigiye ga kararo.”+ 35 Petro a re gage: “Nka ro šinya ke kgwa nago, nka sa ro go lisetsa.”+ Le malata ya mangwana ka mokana ga wona ma bolabola ka mokgonone.

36 Jeso a tla nabo ga poleke ye nngwana yo ba reng ke Ghetsemane,+ a re ga malata yage: “Dulaneng mowa, ke sa ya hala ke ye rapeleng.”+ 37 A tseya Petro le barwayi ba Zebediya ka babedi, a thomisa go kwa a kgongwela fote a šekela ka matla.+ 38 Ke mokane Jeso a re ga bona: “Ke kgongwele ka matla, ke kwa nkare nka kgwa. Dulaneng le nna mowa, le sa koboleneng.”+ 39 Ke mokane yene a ya hala mahlong nyana a kgotama a yinamisiye hlogo, a rapela+ a re: “Papa, mo nkare di ya kgonega, maka gore komitši yowa+ yi mfete. Mara go sa makege tso di nyakang ke nna, go makege tso di nyakang ke wene.”+

40 Mo a boyela ga malata yage a ma kraya ma yetsele, a re ga Petro: “Ke gore le fo šitega go dula awara ka yyoši le sa kobole?+ 41 Le sa koboleneng,+ ariyeneng mahlong le rapela+ gore le sa phiriketsege.+ Pelo yona ya nyaka go maka tsa gabutši, mara mmele wona wa gana.”+ 42 A boyela la mabedi a ye rapeleng a re: “Papa, mo nkare a go kgonege gore komitši yowa yi fete ke sa yi nwa, go makege tso di nyakang ke wene.”+ 43 A boya fote a ba kraya ba yetsele, ka taba la gore ne ba kwa boroko. 44 A tloga a ba šiya fote, a ye rapela la kararo a bolabola tsetsela. 45 A boyela ga malata yage a re ga wona: “Lune le yetsele, le ya khutsa ka nako yowa! Nako ya gore Morwayi wa motho a yisiwe ga bo ba go sinya yi segele. 46 Tlogamelaneng le koriyeneng. Yela wa go nrekisa ke yenene.” 47 Mo Jeso a sa bolabola, gwa nyarela Judase, yela wa gore ke mo go le lelata lage, a tla a na le mogoba wo tshwere disabola le mapara, mogoba wone ke mo wo romele ke maprista ya magolo le banna ba bagolo ba Majuda.+

48 Ye wa go mo rekisa, a re ga bona: “Ye le bonang ke mo khisa, ke yene, le mo tshwareneng.” 49 Ke mokane a ya ga Jeso, a segela a re: “Go byang, Rabi!” a mo khisa. 50 Jeso a re gage: “Ye wweru, o nyaka ying howa?”+ Batho bala ba sepelang le Judase ba tla ba mo tshwara, ba tloga naye. 51 Mara ka wwoši wa bo ne ba na le Jeso a goga sabola yage, a kupa tsebe ya lelata la moprista ye mogolo.+ 52 Jeso a re gage: “Busetsa sabola yone yago mo yi dulang,+ ka taba la gore ye a berekisang sabola, o nyoko bolayiwa ka yona.+ 53 Kela o nagana gore di nyoko nšita go botsa Papa gore a romele mangeloyi ya go tlala gana byalo lowa?+ 54 Mo o maka tsotsone, o ra gore tso di hlayyeng ke Mangwalo di makege ka mokgo mang?” 55 Ka nako yonone Jeso a re ga mogoba: “Ayitsano le tl’le tshwara nna ka disabola le mapara nkare ke ro ba tsotsi? Ke mo ke tšhutisa tempeleng ka moka matšatši,+ mara a le ya tla le tl’le ntshwareng.+ 56 Mara dilo tsowa ka mokana ga tsona di makega ka taba la gore di porofitiwwe* botala.”+ Malata yage ka mokana ga wona ma tšhaba ma mo šiya.+

57 Bo ne ba tshwere Jeso, ba mo yisa gaye ga Kheyifase+ wa gore ke moprista ye mogolo, gana hone ke mo go gahlanne bomabhalane le banna ba bagolo.+ 58 Petro a fo ba a kene a mo šele nthago, mara a sepelela kgole go segela ba kena lapeng la moprista ye mogolo. Mo ba šele ba kenne, a dula le dibereki tsa mone mutšing, a nyaka go bona gore go makega ying.+

59 Byalo, dindhuna tsa maprista le mogoba ka mokana ga wona wa Sanhedrini, ke mo ba nyaka so ba ka mo tanyang ka sona gore ba thogo mmolaya.+ 60 Le mo batho ba go tlala ba mmolabolele matsaka, mogoba wone a wa kraya selo.+ Gwa tla ba bangwana ka babedi 61 ba re: “Monna yewa o yitseri, ‘Nka di kgona go wisanya tempele ya Modimo ka boya ka yi yaga ka kararo ya matšatši.’”+ 62 Mo ba reyane, moprista ye mogolo a tlogamela a re ga Jeso: “A wo fetole? Ayitsano tso banna bowa ba di bolabolang ka wene ke nnete?”+ 63 Mara Jeso a fo kgomolela.+ Moprista ye mogolo a re gage: “Bolabola nnete, ka taba la gore mo o sa bolabole nnete o nyoko ba o rogelela Modimo wa go phela. Ayitsano ke wene Kreste Morwayi wa Modimo?”+ 64 Jeso a re gage: “Go hlayye wene tsotsone. Mara ke ya go botsa: Go tlugisela gana byalo o nyoko bona Morwayi wa motho+ a duli ga letsogo la go ja la Modimo wa go ba le matšhika,+ a tla ka maru ya ku legedimong.”+ 65 Ke mokane moprista ye mogolo a tlerolanya kobo yage ya ka tawong a re: “Motho yewa o rogelela Modimo! Anthe le sa nyaka dihlatse tsa go yisa kaye? Le tikwele ka ditsebe tsa lune beng gore motho yewa o rogelela Modimo. 66 Re mo make ying?” Ba re: “Di nyaka a kgwe.”+ 67 Ke mokane ba mo tshwela ka mare,+ ba boya ba mo teya ka dibhakela.+ Ba bangwana ba mo teya ka dimpamo,+ 68 ba re: “Re porofetele wene Kreste. O teyye ke mang?”

69 Petro ke mo a duli tawong ka ku lapeng, ke mokane ngwannyana ye mongwana wa gore ke sebereki a tla gage a re: “Le wene ke mo o na le Jeso wa Galeliya akere?”+ 70 Mara Petro a phiga a le mahlong ga bona ka mokana ga bona, a re: “A ke tšibi gore o bolabola ka ying.” 71 Mo a tšwela ka ku tawong ga lapa, ngwannyana ye mongwana a mmona, a re ga bo ne ba le mone: “Monna yewa ke mo a na le Jeso wa Lenazareta.”+ 72 Gana mone le gona a napa a gana a tiyisiye a re: “Ke ya resa barena, morenene a ke mo tšibi!” 73 Ka nthagonyana, bo ne ba yemme gana hone ba tla ga Petro ba re: “Baa resa, le wene ke wene ye mongwana wa bona, fote ka mokgo o bolabolang, o bolabola go tshwana le batho ba Galeliya.” 74 Petro a thomisa go bolabola a tiyisiye a re: “motho yene a ke mo tšibi!” Ke mokane phooko ya napa yi lika ka nako yonone. 75 Petro a gopola tso Jeso a mmutsiyeng tsona mo a re: “Mo phooko yi soko lika, wene o ko ba o mphigiye ga kararo.”+ A ya ka tawong, a lla ka sethaga.