Dipalo

6 Jehova o yye mahlong a bolabola le Moše a re: 2 “Bolabola le Maisrayele o ma botse gore, ‘Mo monna kela mosadi a tshepisa gore yene o nyoko phela go le yene Lenazari*+ mahlong ga Jehova, 3 di nyaka a kganele kgole le wayini le mekgete ye mengwana. A di nyake a nwa wayini ya go galaka kela vinika ya go ba le mokgete.+ Fote a di nyake a nwa dilo tsa go makiwa ka didhriva kela a ja didhriva tsa gore di sa le gabutši kela tsa go womisiwa. 4 Matšatši ka mokana ga wona mo go le Lenazari, a sa ji selo sa gore se makiwwe ka didhriva, le mo go ka fo ba didhriva tsa go sa butšwa kela matlakala ya tsona.

5 “‘Matšatši ka mokana ga wona mo go le Lenazari, hlogo yage yi sa tikisi ke legare.+ Di nyaka a dule a hlawolegiye, a lisetse moriri wage wo gola go segela mo matšatši yage ya go ba Lenazari la Jehova ma fela. 6 A sa šutele thina le setopo mo go sa le Lenazari mahlong ga Jehova. 7 Le mo go ka hlokofala papage, mmane wage, bhuti wage kela sesi wage, a sa tithilafatse+ ka taba la gore moriri wa ho hlogong yage ke wona wo šupetsang gore ke yene Lenazari.

8 “‘O hlawolegiye ga Jehova matšatši ka mokana ga wona ya mo go le Lenazari. 9 Mara mo motho a ka fo tšhoga a hlokofele a le thina+ gage ke mokane tsotsone dya thilafatsa moriri wage wa go šupetsa gore ke yene Lenazari, di nyaka a hlube+ ka letšatši lo a yedisiwang ka lona. Di nyaka a hlube ka letšatši la kašupa. 10 Ke mokane ka letšatši la mabala di nyaka a leye maliba ka mabedi ya hlaga kela maliba ka mabedi ya gaye ya manyana, a ma neye moprista hala go keniwang gona letenteng la mogahlano. 11 Moprista o nyoko berekisa tse dingwana tsa tsona gore a make sehlabelo sa mo motho a sinnye ke mokane ka tse dingwana a make sehlabelo sa go tšhubiwa, a mo kgopelele tshwarelo ga tso a di sinnyeng+ mo a tithilafatsa ka motho wa go kgwa. Ke mokane ka letšatši lolone di nyaka a yedise hlogo yage. 12 Di nyaka a thomise fase ka go ba Lenazari mahlong ga Jehova, ke mokane o nyoko leya nku ya phoolo ya go ba le mongwaga ka wwoši gore go be sehlabelo sa mo motho a kokona ke lekwalo. Mara matšatši yage ya a ma phidiyeng go le Lenazari a ma sa badiwa ka taba la gore o tithilafatsiye nakwela a le Lenazari.

13 “‘Byalo, wowa ke molawo wa Manazari: Mo Lenazari le fetsa matšatši ya lona ya go ba Lenazari,+ ba nyoko le leya mo go keniwang gona letenteng la mogahlano. 14 Gana hone di nyaka le make sehlabelo sowa ga Jehova: di nyaka le make sehlabelo sa go tšhubiwa ka nku ya phoolo ya go ba le gana hala ga mongwaga ka wwoši,+ nku ya tshadi ya go ba le gana hala ga mongwaga ka wwoši gore go be sehlabelo sa mo motho a sinnye,+ nku ka yyoši ya phoolo gore go be sehlabelo sa go hlekediwa,+ 15 mmantši wa sekgwa sa kgokolo sa go se na dikomelo sa gore se makiwwe ka folawa ya gore ke mong yona ya gore yi dubiwwe le makgura, sephaphata sa gore a se na dikomelo sa gore ba se tlotsiye makgura, sehlabelo sa bona sa mabele+ le dihlabelo tsa bona tsa go nwiwa.+ 16 Moprista o nyoko di yisa mahlong ga Jehova ke mokane o nyoko maka sehlabelo sage sa mo motho a sinnye le sehlabelo sage sa go tšhubiwa. 17 O nyoko neyela ka nku ya phoolo go le sehlabelo sa go hlekediwa mahlong ga Jehova le mmantši wa dikgwa tsa go se na dikomelo, fote moprista o nyoko maka sehlabelo sa yona sa mabele+ le sehlabelo sa yona sa go nwiwa.

18 “‘Ke mokane Lenazari lela le hlube moriri wa lona+ wa gore ke botala wo sa hlubiwi, le wo hlube le le mo go keniwang gona letenteng la mogahlano, le tseye moriri wone wa gore le wo gudisiye ka nakwela go sa le Lenazari le wo tšhele mollong wa go tšhuba sehlabelo sa go hlekediwa. 19 Fote moprista a tseye legetla la nku la gore ba le bidisiye,+ a tseye le sekgwa ka ssoši sa go se na dikomelo sa kgokolo ka teng ga mmantši le sephaphata sa go se na dikomelo ke mokane a di beye matsogong ya Lenazari mo le šele le kupiye moriri wa lona. 20 Moprista o nyoko di yisa nthago le mahlong gore go be sehlabelo sa gore ba se yisa ku le ku mahlong ga Jehova.+ Ke selo sa go hlawolega ga moprista, gana mone ga sona go kena le matswele le loto la sona lo ba neyelang ka lona.+ Ke mokane ka nthago Lenazari le ka nwa wayini.

21 “‘Wowa ke molawo wa Lenazari+ la gore le tshepisiye: Mo Lenazari le tshepisa fote le kgona go makela Jehova sehlabelo sa go phala so se nyakegang, di nyaka le make ka mokgo le tshepisiyeng ka gona go ya ka molawo wa Manazari.’”

22 Byalo Jehova a re ga Moše: 23 “Botsa Aroni le barwayi bage o re, ‘Batho ba Israyele di nyaka le ba rufe+ ka mokgo. Le ba botse gore:

24 “Nkare Jehova a ka le rufa+ a boya a le pasopa.

25 Nkare Jehova a ka kwa le mo jabodisa+ ke mokane a le yamogela.

26 Nkare Jehova a ka le kwela go baba, a boya a maka gore le bebe.”’+

27 Fote ba ba bitse lebitso laka mo ba na le Maisrayele,+ gore ke thogo ba rufa.”+